Advertisement
Advertisement
Advertisement
Advertisement

تعلیمی اداروں کو منشیات سے پاک کرنا ہمارا مشن ہے، شرجیل انعام میمن

Now Reading:

تعلیمی اداروں کو منشیات سے پاک کرنا ہمارا مشن ہے، شرجیل انعام میمن
تعلیمی اداروں کو منشیات سے پاک کرنا ہمارا مشن ہے، شرجیل انعام میمن

تعلیمی اداروں کو منشیات سے پاک کرنا ہمارا مشن ہے، شرجیل انعام میمن

صوبائی وزیر سندھ شرجیل انعام میمن نے کہا کہ تعلیمی اداروں کو منشیات سے پاک کرنا ہمارا مشن ہے۔

وزیر اطلاعات سندھ شرجیل انعام میمن نے یہ بات انسداد منشیات کے بین الاقوامی ادارے انٹرنیشنل نارکوٹکس اینڈ لا انفورسمینٹ افیئرز کے وفد سے ملاقات کے دوران کہی۔

بین الاقوامی منشیات اور قانون نافذ کرنے والے امور آئی این ایل کے وفد نے سینئر وزیر شرجیل انعام میمن سے ڈائریکٹوریٹ جنرل ایکسائز اینڈ نارکوٹکس کنٹرول آفس میں ملاقات کی۔

 ملاقات کے دوران انسداد منشیات کی کوششوں اور باہمی مفادات اور منشیات کی اسمگلنگ کے خلاف اقدامات پر تبادلہ خیال کیا گیا۔

ملاقات کے دوران سینئر وزیر شرجیل انعام میمن نے آئی این ایل کے وفد کو ایکسائز اینڈ نارکوٹکس کنٹرول ڈیپارٹمنٹ کے اقدامات سے آگاہ کیا، جس پر آئی این ایل کی ڈائریکٹر لوری انٹولینز، کائونٹر نارکوٹکس ایڈوائزر مارک کینیڈی،ڈی ای اے اتاشی تھامس مارشل نے سندھ حکومت کی کاوشوں کی تعریف کی۔

Advertisement

آئی این ایل کی ڈائریکٹر لوری انٹولینز نے کہا کہ انسداد منشیات میں حکومت سندھ کی کوششیں قابل ستائش ہیں، ، جبکہ ڈی ای اے اتاشی تھامس مارشل نے کہا کہ منشیات کا خاتمہ یقینی بنانے کے لئے ہر قسم کے تعاون کے لئے تیار ہیں۔

ملاقات کے دوران شرجیل انعام میمن نے کہا کہ منشیات کے خلاف جنگ ہم سب کا مشترکہ مشن ہے، جبکہ تمام صوبے نمایاں کوششیں کر رہے ہیں، تاہم حکومت سندھ منشیات فروشوں کے خلاف کارروائیوں میں سرفہرست ہے۔

سینیر وزیر شرجیل انعام میمن نے آئی این ایل کے وفد کو ایکسائز نارکوٹکس کنٹرول اور پولیس کے تعاون سے جاری کریک ڈاؤن کارروائیوں کی تفصیل دی اس کے علاوہ  وفد کو موثر تبدیلیوں کے لیے قوانین میں ترمیم کی کوششوں سے بھی آگاہ کیا۔

شرجیل انعام میمن نے کہا کہ تعلیمی اداروں کو منشیات سے پاک کرنا ہمارا مشن ہے، جبکہ پولیس، ایکسائز نارکوٹکس کنٹرول، اور اینٹی نارکوٹکس فورس (اے این ایف) تندہی سے کام کر رہے ہیں۔

شرجیل انعام میمن نے یہ بھی کہا بحالی کے مراکز فعال ہیں، اور ہم نشے کے عادی افراد کو معاشرے میں دوبارہ ضم ہونے میں مدد کے لیے مزید مراکز قائم کر رہے ہیں۔

انہوں نے کہا کہ آئس اور کرسٹل ہیروئن جیسی منشیات ہمارے لئے بہت اہم چیلنج ہے، جبکہ ہماری اولین ترجیح منشیات کا خاتمہ ہے، اور ہماری کارروائیاں اور کریک ڈاؤن دن بہ دن تیز ہو رہے ہیں۔

Advertisement

سینئر وزیر نے وفد کو محکمہ ایکسائز کے ریپڈ رسپانس یونٹ آر آر یو کے بارے میں بھی آگاہ کیا جبکہ آئی این ایل کے وفد نے ریپڈ رسپانس یونٹ کے قیام کو سراہا اور منشیات کے خاتمے میں تعاون کی یقین دہانی کی۔

ملاقات میں سندھ حکومت اور بین الاقوامی شراکت داروں کے انسداد منشیات کی کارروائیوں کو مضبوط بنانے اور تعاون پر مبنی کوششوں کو بڑھانے کے عزم پر زور دیا گیا جبکہ سینئر وزیر شرجیل انعام میمن کی جانب سے معزز مہمانوں کو روایتی سندھی اجرک کے تحفے بھی پیش کئے گئے۔

واضح رہے کہ ملاقات کے دوران سیکریٹری ایکسائز سلیم راجپوت، ڈی جی ایکسائز اورنگزیب پنہور، ڈائریکٹر نارکوٹکس کنٹرول۔ریاض حسن کھوسو بھی ملاقات میں موجود تھے جبکہ آئی این ایل کے وفد میں ڈائریکٹر لوری انٹولینز، کائونٹر نارکوٹکس ایڈوائزر مارک کینیڈی، ڈی ای اے اتاشی تھامس مارشل، اے آر ایس او کے جوش میک کیو، پروگرام اسپیشلسٹ راجا شرجیل حسن اور دیگر شریک تھے۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
کل 26 تاریخ کو اسلام آباد میں تاریخی دھرنا ہوگا، امیر جماعت اسلامی
پولیس، سی ٹی ڈی دہشت گردوں کے خلاف فرنٹ لائن پرہوگی، بیرسٹر سیف
دہشتگرد عناصر کیخلاف کارروائی پولیس اور سی ٹی ڈی کرے گی، ایپکس کمیٹی
ایف پی سی سی آئی، اسلام آباد اور واشنگٹن ڈی سی کے درمیان سسٹر سٹی پارٹنرشپ کا خواہاں ہے
عوام سے اپیل ہے کل کا احتجاج کامیاب بنائیں، عمر ایوب
سیاسی جماعتوں میں مذاکرات کرانے کے لئے سپریم کورٹ میں درخواست دائر
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر