مخصوص نشستوں پر عدالتی فیصلہ؛ سینیٹ و قومی اسمبلی اجلاس بلانے پر غور

فہد چوہدری

14th Jul, 2024. 02:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مخصوص نشستوں پر عدالتی فیصلہ؛ سینیٹ و قومی اسمبلی اجلاس بلانے پر غور

اسلام آباد: مخصوص نشستوں کے بارے میں سپریم کورٹ کے فیصلے کے بعد حکمران جماعت متحرک ہوگئی ہے، حکومت نے محرم کے بعد سینیٹ اور قومی اسمبلی کا اجلاس بلانے پر غور شروع کردیا ہے۔

ذرائع ن لیگ کے مطابق وزیر قانون و پارلیمانی امور اعظم نذیر تارڑ نے قیادت کو پارلیمنٹ کا اجلاس بلانے کی تجویز دی ہے۔

حکومتی ذرائع نے بتایا کہ ن لیگ کے سینیر رہنماؤں اور اراکین پارلیمنٹ کو عاشور کے بعد اسلام آباد میں رہنے کی ہدایت دے دی گئی ہے۔

ذرائع کے مطابق پارلیمنٹ کا اجلاس بلانے کا حتمی فیصلہ کل نواز شریف کی زیر صدارت اجلاس میں ہوگا، اجلاس بلانے پر مخصوص نشستوں کے بارے میں عدالتی فیصلے پر بحث ہوگی۔

ذرائع نے مزید بتایا کہ حکومت کا نظر ثانی اپیل سے قبل پارلیمنٹ کے پلیٹ فارم سے حکمت عملی مرتب کرنے پر بھی غور جاری ہے۔

واضح رہے کہ سپریم کورٹ آف پاکستان نے پشاور ہائیکورٹ کا فیصلہ اور الیکشن کمیشن کا حکم کالعدم قرار دیتے ہوئے مخصوص نشستیں پاکستان تحریک انصاف (پی ٹی آئی) کو دینے کا حکم دیا ہے۔