وزیر اعلیٰ سندھ سید مراد علی نے صوبے میں ہجرت کرنے والوں کا ڈیٹا طلب کرلیا۔

وزیر اعلیٰ سندھ سید مراد علی شاہ کی زیر صدرات پاکستان بیورو آف شماریات کا اجلاس ہوا، جس کے دوران مراد علی شاہ نے بیورو آف اسٹیٹسٹکس سے تمام یو سی اور ٹاؤن کا ڈیٹا مہیا کرنے کی ہدایت کی اور کہا کہ یو سی اور ٹاؤن کی آبادی، مکان، سہولیات کی میپنگ کی جائے تاکہ دیگر ضروریات پر کام کرسکیں۔

سید مراد علی شاہ نے کہا کہ مجھے کچے و پکے مکانات کا بھی یوسی اور ٹاؤن کی سطح پر ڈیٹا چاہئے،اس کے علاوہ بچوں کا ڈیٹا بھی یوسی اور ٹاؤن سطح پر چاہئے۔

 وزیراعلیٰ نے کہا کہ بچوں کے ڈیٹا سے معلوم ہو جائے گا کے کتنے بچے اسکول جا رہے ہیں اور کتنے نہیں، جبکہ یہ بھی ایک تضاد ہے کہ اسکول سے باہر کتنے بچے ہیں۔

سید مراد علی شاہ نے اجلاس کے دوران کہا کہ میرا منصوبہ ہے کہ ڈیٹا کے حساب سے ترقیاتی منصوبہ تیار کریں جبکہ ہم بجلی کی سہولت کیلئے بھی ڈیٹا چاہتے ہیں تاکہ سولر مہیا کئے جائیں۔

 وزیر اعلیٰ سندھ نے بیورو آف اسٹیٹکس کو وفاقی بیورو آف اسٹیٹکس کے ساتھ کوآرڈینیشن بڑھانے کی بھی ہدایت کی جس پر وفاقی بیورو شماریات کے چیف ڈاکٹر ندیم نے وزیر اعلیٰ کو تمام اعداد و شمار مہیا کرنے کی یقین دھانی کرائی۔

وزیراعلیٰ سندھ نے چیف شماریات سندھ کو یوسی کی سطح پر ترقیاتی میپ بنانے کی ہدایت کرتے ہوئے کہا کہ ترقیاتی میپ بنانے سے معلوم ہوگا کہ جہاں سہولیات نہیں وہاں دی جاسکیں۔

اجلاس میں چیف سیکریٹری آصف حیدر شاہ، چیئرمین پی اینڈ ڈی نجم شاہ، چیف شماریات ڈاکٹر نعیم ظفر، شماریات کے سرور گوندل اور دیگر شریک ہوئے۔