شہر قائد میں 24 گھنٹے کے لیے گیس کی فراہمی معطل رہے گی

کفیل احمد

27th Jul, 2024. 10:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہر قائد میں 24 گھنٹے کے لیے گیس کی فراہمی معطل رہے گی

شہر قائد کے بڑے حصے کو 24 کے لیے گیس کی بندش کا سامنا

سوئی سدرن انتظامیہ نے شہر قائد میں گیس کی بندش کا اعلان کرتے ہوئے کہا کہ مرمتی کام کے باعث آدھے کراچی کو کل بروز اتوار 24 گھنٹے کیلیے گیس کی فراہمی معطل رہے گی۔

حکام کا کہنا ہے کہ 28 جولائی اتوار کے روز صبح 5 بجے سے 29 جولائی پیر صبح 5 بجے تک گیس کی بندش ہوگی۔

ترجمان سوئی سدرن کے مطابق گھریلو صارفین کے ساتھ ساتھ صنعتی صارفین کے لیے بھی 24 گھنٹے کے لیے گیس کی فراہمی معطل رہے گی، جبکہ سرجانی ٹاؤن اور نارتھ کراچی، منگھو پیر ٹاؤن، قصبہ ٹاؤن، اورنگی ٹائون کے تمام سیکٹرز کے ساتھ نارتھ ناظم آباد کے تمام بلاک بھی متاثر ہوں گے۔

ترجمان نے کہا کہ ایف بی ایریا کے تمام بلاکس، گلبرگ بشمول تمام بلاکس، بفرزون، سائیٹ انڈسٹریل ایریا، بلدیہ ٹاؤن ، اتحاد ٹاؤن ، اور ماڑی بھی متاثر ہوں گے۔

ترجمان سوئی سدرن کے مطابق سینٹرل ریجن گلشن معمار ، احسن آباد، جہنجھار گوٹھ اور سائٹ سپر ہائی وے اور اطراف میں گیس کی فراہمی معطل رہے گی۔

ترجمان کا کہنا ہے کہ صارفین عارضی بندش کے دوران متبادل ایندھن کا بندوست کرلیں تاکہ کسی بھی زحمت سے بچا جا سکے۔

ترجمان سوئی سدرن کے مطابق بندش 24 انچ قطر, 31 کلومیٹر ٹرانسمیشن پائپ لائن کو جوڑنے کے باعث کی جائے گی۔