
محصولات تسلی بخش نہ ہونے پر منی بجٹ کے بارے میں سوچے جانے کا امکان
اسلام آباد: عالمی مالیاتی فنڈ (آئی ایم ایف) نے محصولات تسلی بخش نہ ہونے پر منی بجٹ کے بارے میں سوچے جانے کا امکان ظاہر کیا ہے۔
ذرائع آئی ایم ایف کے مطابق نیا آئی ایم ایف پیکیج آخری ہونے پر تبصرہ نہیں کیا جاسکتا، اس کا دارومدار نئے پروگرام کی کامیابیوں پر ہے۔
ذرائع نے بتایا ہے کہ زرعی ٹیکس کا ٹارگٹ صوبوں اور وفاق کے درمیان تعاون پر انحصار رکھتا ہے، زرعی ٹیکس کا قانون بننے پر لاگو ہونے کا امکان ہے۔
آئی ایم ایف کے ذرائع کا کہنا ہے کہ پی آئی اے اور بجلی کی تقسیم کار کمپنیوں کی نجکاری کے بارے میں فیصلے نئے آئی ایم ایف پروگرام کے تحت کرنے ہونگے، حکومت پاکستان کو کوئی ایسا قدم نہیں اٹھانا جس سے بجٹ اہداف متاثر ہوں۔
ذرائع آئی ایم ایف کے مطابق ڈالر کی قیمت تعین مارکیٹ کا اختیار ہے، آئی ایم ایف سیاسی معاملات پر کوئی تبصرہ نہیں کرتا، آئی ایم ایف کی شرائط حکومت کو ہر صورت پوری کرنا ہوگی۔
ذرائع کا کہنا ہے کہ حکومت کی تبدیلی کے اقدامات پر کوئی تبصرہ نہیں کیا جاسکتا، پاکستان کو سیاسی چیلنجز نمٹنے کیلئے اپنے طور پر اقدامات کرنا ہونگے، ہیومن کیپٹل بہتر بنانے کیلئے حکومت حکمت عملی بنائے جانے پر کام کررہی ہے۔
آئی ایم ایف کے ذرائع نے بتایا کہ مہنگائی سے نمٹنے کیلئے پاکستان اقدامات کررہا ہے، ٹیکس مشینری کی استعداد کو بڑھانے کی کوشش کی جارہی ہے، ہر شعبے کو ٹیکس میں بہتری کیلئے کردار ادا کرنا پڑے گا۔
علاوہ ازیں نئے آئی ایم ایف پیکیج کی قسطیں جاری کرنے کی ٹائم لائن تیار کی جارہی ہے، بجلی کی تقسیم کار کمپنیوں کی کارکردگی بہتر کرنے کی کوشش کرنا ہوگی، پرائمری معاشی ڈھانچے کی بہتری کیلئے پاک آئی ایم ایف معاہدہ کارگر ثابت ہوگا۔
ذرائع کے مطابق نئے پیکیج کی شرائط پوری کرنے کیلئے پیشگی اقدامات ہوچکے ہیں، پاور کے شعبے میں بری کارکردگی اور پیداواری لاگت سے نمٹنا ہوگا، اس عمل کے ذریعے بجلی کی لاگت کم کرنے کیلئے کوشش کی جائے گی۔
ذرائع کا مزید کہنا ہے کہ بینکوں کے پالیسی ریٹ پر کڑی نظر رکھے ہوئے ہیں، آئی پی پیز کے ساتھ کیے گئے معاہدوں سے اقتصادی مشکلات پیدا ہورہی ہیں، ٹیکسوں کے نئے اسٹرکچر کی تشکیل کیلئے وفاق اور صوبوں کے تعاون لازم ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News