شہداء کی لازوال قربانیوں کو ہمیشہ یاد رکھا جائے گا، اسپیکر قومی اسمبلی

ویب ڈیسک

04th Aug, 2024. 02:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہداء کی لازوال قربانیوں کو ہمیشہ یاد رکھا جائے گا، اسپیکر قومی اسمبلی

اسپیکر قومی اسمبلی سردار ایاز صادق نے کہا ہے کہ شہداء کی لازوال قربانیوں کو ہمیشہ یاد رکھا جائے گا۔

سردار ایاز صادق نے یوم شہداء پولیس کے موقع پر پیغام دیتے ہوئے کہا کہ ملک سے دہشتگردی کے خاتمے اور جرائم کی سرکوبی کیلئے پولیس کے جوانوں اور افسران نے لازوال قربانیاں پیش کی ہیں۔

اسپیکر نے یوم شہداء پولیس کے موقع پر پولیس کے شہید افسروں اور جوانوں کو خراج عقیدت بھی پیش کیا اور کہا کہ پوری قوم یوم شہداء پر پولیس کے شہداء کو سلام پیش کرتی ہے،

انہوں نے کہا کہ پوری قوم کو پولیس کے بہادر جوانوں اور افسران پر فخر ہے، شہداء کی لازوال قربانیوں کو ہمیشہ یاد رکھا جائے گا۔

ایاز صادق کا کہنا تھا کہ دہشتگردی کے خلاف جنگ اور دیگر واقعات میں شہید ہونے والے پولیس کے شہداء کے اہلخانہ کے ساتھ یکجہتی کا اظہار کرتا ہوں۔

اسپیکر قومی اسمبلی نے مزید کہا کہ پولیس کے بہادر افسران اور جوانوں نے دہشتگردی کے خاتمے اور امن و امان کے قیام کیلئے ہمیشہ ہراول دستے کا کردار ادا کیا ہے۔