پی ٹی آئی کے اہم رہنما و رکن اسمبلی انتقال کر گئے
پاکستان تحریک انصاف کے رہنما و رکن قومی اسمبلی ممتاز مصطفیٰ انتقال کر گئے ہیں۔
ذرائع کے مطابق پاکستان تحریک انصاف کے رہنما و رکن قومی اسمبلی ممتاز مصطفیٰ پارلیمنٹ لاجز میں مقیم تھے، انہیں دل کا دورہ پڑا جس کی وجہ سے وہ جانبر نہ ہو سکے۔
رکن اسمبلی ممتاز مصطفیٰ کا تعلق رحیم یار خان سے تھا اور وہ این اے 171 (رحیم یار خان III) کی نشست جیت کر قومی اسمبلی میں آئے تھے۔
دوسری جانب ترجمان قومی اسمبلی نے ممتاز مصطفیٰ کے انتقال کی تصدیق کردی ہے، اسپیکر قومی اسمبلی سردار ایاز صادق کو ان کی وفات سے متعلق آگاہ کر دیا گیا ہے۔
اس کے علاوہ ایم این اے کے انتقال کی وجہ سے آج قومی اسمبلی کا اجلاس بغیر کارروائی ملتوی کیے جانے کا امکان ہے۔
Advertisement
واضح رہے کہ تحریک انصاف کو انتخابی نشان نہ ملنے کی وجہ سے وہ آزاد حیثیت سے انتخاب لڑے تھے اور بعدازاں پی ٹی آئی رہنما سنی اتحاد کونسل میں شامل ہو گئے تھے۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
