وزیراعظم کی پاور سیکٹر کی اصلاحات پر عمل درآمد کیلئے ٹاسک فورس تشکیل دینے کی منظوری

فہد چوہدری

05th Aug, 2024. 10:17 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کی پاور سیکٹر کی اصلاحات پر عمل درآمد کیلئے ٹاسک فورس تشکیل دینے کی منظوری

اسلام آباد: وزیر اعظم محمد شہباز شریف نے پاور سیکٹر کی اصلاحات پر عمل درآمد کے لیے ٹاسک فورس تشکیل دینے کی منظوری دے دی۔

ذرائع کے مطابق ٹاسک فورس کے چیئرمین وفاقی وزیر برائے توانائی اویس لغاری ہوں گے جبکہ نومنتخب معاون خصوصی برائے توانائی محمد علی ٹاسک فورس کے شریک چیئرمین مقرر کیے گئے ہیں۔

ذرائع کا کہنا ہے کہ لیفٹیننٹ جنرل محمد ظفر اقبال نیشنل کوآرڈینیٹر ہوں گے، گریڈ 21 کے افسر سید زکریا علی شاہ کمیٹی میں بطور رکن شامل کیے گئے ہیں۔

ذرائع کے مطابق ٹاسک فورس میں نیپرا، سی پی پی اے، پی پی آئی بی اور ایس ای سی پی کے ارکان شامل ہوں گے۔

اس کے علاوہ ٹاسک فورس ایک مہینے کے اندر اپنی سفارشات وزیر اعظم کو پیش کرے گی اور آئی پی پیز کے کیپسٹی چارجز پیمنٹس میں کمی سے متعلق سفارشات دے گی۔

ذرائع نے مزید بتایا کہ آئی پی پیز سے متعلق دیگر امور پر بھی ٹاسک فورس کو سفارشات دینے کی ہدایت کی گئی ہے جبکہ ٹاسک فورس پاور سیکٹر کو مالی طور پر پائیدار بنانے کے لیے سفارشات دے گی۔