پی ٹی آئی دور حکومت کے بعد پہلی بار چیئرمین ایف بی آر کی باہر سے تعیناتی

ویب ڈیسک

08th Aug, 2024. 10:05 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی دور حکومت کے بعد پہلی بار چیئرمین ایف بی آر کی باہر سے تعیناتی

اسلام آباد: پی ٹی آئی دور حکومت کے بعد پہلی بار چیئرمین ایف بی آر کی باہر سے تعیناتی کی گئی ہے۔

ذرائع کے مطابق ساڑھے 4 سال بعد چیئرمین ایف بی آر کی تعیناتی میں ایف بی آر افسران کو نظر انداز کیا گیا جبکہ 5 سال سے زائد عرصے کے بعد پاکستان ایڈمنسٹر یٹو سروس کے راشد لنگڑ یال کی چیئرمین ایف بی آر تعیناتی کی گئی۔

ذرائع نے بتایا ہے کہ آخری بار نجی شعبے سے شبر زیدی 6 جنوری 2020 تک چیئرمین ایف بی آر رہے تھے۔

اس سے قبل ایڈمنسٹریٹو سروس کے جہانزیب خان 10 مئی 2019 تک چیئرمین ایف بی آر تھے جبکہ 7 جنوری 2020 سے 7 اگست 2024 تک چیئرمین ایف بی آر ان لینڈریونیو، کسٹمز سروس کے تھے۔

ذرائع نے مزید بتایا ہے کہ سکبدوش ہونے والے چیئرمین ایف بی آر امجد زبیر ٹوانہ کا تعلق ان لینڈ ریونیوسروس سے ہے۔

واضح رہے کہ پاکستان ایڈمنسٹریٹو سروس کے راشد لنگڑیال کو چیئرمین ایف بی آر تعینات کرنے کا فیصلہ کیا گیا ہے، جس کی منظوری وفاقی کابینہ سے لی جائے گی۔

ذرائع نے بتایا کہ گریڈ 21 کے راشد لنگڑیال اس وقت سیکریٹری پاور ڈویژن تعینات ہیں جبکہ چیئرمین ایف بی آر کی تعیناتی کی سمری وفاقی کابینہ کی منظوری کے لیے بھجوادی گئی ہے۔