معیشت بہتر ہوگی تو تنخواہ دار طبقے پر لگے ٹیکسز ختم ہوجائیں گے، وزیر مملکت

ویب ڈیسک

08th Aug, 2024. 09:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معیشت بہتر ہوگی تو تنخواہ دار طبقے پر لگے ٹیکسز ختم ہوجائیں گے، وزیر مملکت

وزیر مملکت خزانہ علی پرویز ملک نے کہا ہے کہ معیشت بہتر ہوگی تو تنخواہ دار طبقے پر لگے ٹیکسز ختم ہوجائیں گے۔

وزیر مملکت خزانہ علی پرویز ملک نے بول نیوز کے پروگرام تجزیہ میں گفتگو کرتے ہوئے کہا کہ آئی ایم ایف کی شراکت داری سے بجٹ بنانے کی کوشش کی گئی، وزیراعظم شہباز شریف کی قیادت میں مشکل فیصلے لیے۔

انہوں نے کہا کہ معیشت کی بہتری کیلئے اصلاحات کرنے کی ضرورت ہے، اگلے 2 سال میں 50 ارب ڈالر کی فنانسنگ کا انتظام کرنا ہے، وزیراعظم نے مشکل راستہ اختیار کیا ہے۔

ان کا کہنا تھا کہ ہم مستقل طور پر چیزیں ٹھیک کرنا چاہتے ہیں، مہنگائی پہلے 40 فیصد پر تھی اب 11 فیصد پر آگئی ہے، وفاقی حکومت کے پاس وسائل موجود نہیں ہیں، اتنے وسائل نہیں کہ صوبوں کو دے سکیں، اتنے وسائل موجود نہیں کہ قرضوں کی قسط دے سکیں۔

علی پرویز ملک نے کہا کہ سارا نظام قرضوں پر چل رہا ہے، ہمیں مہنگائی کا احساس ہے، مہنگائی اور بجلی کے بلوں سے عام آدمی پریشان ہے، آئی ایم ایف کے ساتھ جو شراکت داری ہے اس پر رسک نہیں لے سکتے۔