اللہ کا شکر ہے ہم آزاد ملک میں سانس لے رہے ہیں، مریم نواز

ویب ڈیسک

14th Aug, 2024. 11:34 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اللہ کا شکر ہے ہم آزاد ملک میں سانس لے رہے ہیں، مریم نواز

لاہور: وزیراعلیٰ پنجاب مریم نواز شریف نے کہا ہے کہ اللہ کا شکر ہے ہم آزاد ملک میں سانس لے رہے ہیں، اللہ نے ہمیں آزادی جیسی نعمت سے نوازا۔

وزیراعلیٰ مریم نواز نے حضوری باغ میں یوم آزادی کی خصوصی تقریب سے خطاب کرتے ہوئے کہا کہ قوم کو78واں یوم آزادی مبارک ہو، اللہ ہمارے ملک کو قائم ودائم شاد و آباد رکھے۔

انہوں نے کہا کہ پاکستان کے سیاستدانوں کو خصوصاً نوازشریف کوخراج تحسین پیش کرتی ہوں، نوازشریف نے ملک کو ایٹمی طاقت بنایا۔

مریم نواز نے کہا کہ اللہ تعالیٰ نے ہمیں پاکستان جیسی نعمت سے نوازا، اولمپک میں پاکستان کا جھنڈا سب سے اوپر گیا تو میرے فخر کی بات تھی، اس قوم کو مواقع ملیں تو دنیا میں انہیں ترقی سے کوئی نہیں روک سکتا۔

انکا مزید کہنا تھا کہ میری دائیں جانب اسپیشل بچے کھڑے ہیں، میں تمام بچوں کی حوصلہ افزائی کرنا چاہتی ہوں، آنے والے وقت میں ملک کی بھاگ دوڑ جوانوں کے ہاتھ میں ہوگی، ملک کا نام روشن کرنے کا سلسلہ جاری رہنا چاہیے۔