کے الیکٹرک نے وفاقی کابینہ اور وزیراعظم کے احکامات کو ہوا میں اڑادیا

ویب ڈیسک

08th Aug, 2024. 07:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کے الیکٹرک نے وفاقی کابینہ اور وزیراعظم کے احکامات کو ہوا میں اڑادیا

کراچی: کے الیکٹرک نے وفاقی کابینہ اور وزیراعظم کے احکامات کو ہوا میں اڑاتے ہوئے صارفین کو خوار کردیا۔

نہ بینک بل لینے کو تیار ہے او نہ ہی کے الیکٹرک عوام کو ریلیف دینے کو تیار جب کہ عوام مقررہ تاریخ گزرنے کے بعد ایک بینک سے دوسرے بینک پر خوار ہونے پر مجبور ہیں۔

کے الیکٹرک ہیلپ لائن کا کہنا ہے کہ بل تو بھرنا پڑے گا، اگلے بل میں ایڈجسٹ ہوجائے گا جب کہ کےالیکٹرک کی آن لائن سسٹم میں بھی صارفین کو ریلیف نہیں مل سکا ہے۔

شہر بھرمیں صارفین اضافی بلوں پر رل گئے ہیں جب کہ نجی بینک کہتے ہیں کہ کے الیکٹرک کی جانب سے بلوں کو سسٹم میں اپ ڈیٹ نہیں کیا گیا ہے۔

یاد رہے کہ وزیراعظم شہباز شریف نے ملک بھر میں بجلی کے بلوں میں 10 دن ریلیف دینے کا اعلان کیا تھا۔

ترجمان کےالیکٹرک کا اس حوالے سے کہنا ہے کہ کے الیکٹرک نے تمام بینکس کو اس حوالے سے آگاہ کیا ہے، آن لائن سسٹم میں بل جمع ہونا چاہیے، آن لائن سسٹم میں بل جمع کیوں نہیں ہوا اس کو چیک کرتے ہیں۔