شہداء پولیس کی تکریم پر کوئی سمجھوتہ نہیں کریں گے، مریم نواز

ویب ڈیسک

04th Aug, 2024. 09:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہداء پولیس کی تکریم پر کوئی سمجھوتہ نہیں کریں گے، مریم نواز

لاہور: وزیراعلیٰ پنجاب مریم نواز شریف نے کہا ہے کہ شہداء پولیس کی تکریم پر کوئی سمجھوتہ نہیں کریں گے۔

وزیراعلیٰ مریم نواز نے یوم شہدائے پولیس پر پیغام دیتے ہوئے کہا کہ تمام شہداء کی عظیم قربانیوں کو سلام پیش کرتی ہوں، 4-اگست کبھی نہیں بھول سکتے یہ دن شہداء کی یاد دلاتا ہے۔

انہوں نے کہا کہ یوم شہداء بہادر سپوتوں کی عظیم قربانیوں کو خراج تحسین پیش کرنے کا دن ہے، شہداء ہمارے دلوں میں ہمیشہ زندہ رہیں گے۔

مریم نواز نے کہا کہ پولیس شہداء کی لازوال قربانیاں اثاثہ ہیں جنہیں کبھی فراموش نہیں کیا جاسکتا، وہ قوم سرخرو ہوتی ہے جو شہداء کی تکریم کرتی ہے، شہداء کی تکریم پر کوئی سمجھوتہ نہیں کریں گے۔

انکا کہنا تھا کہ حکومت پنجاب ہر لمحہ شہداء کے اہل خانہ کے ساتھ ہے اور ساتھ رہے گی، کچہ کے علاقے سمیت ہر علاقے میں پولیس فورس قابل قدر فرائض سر انجام دے رہی ہے۔

وزیراعلیٰ نے مزید کہا کہ پنجاب حکومت شہداء کے خاندانوں کی ویلفیئر کے لئے تمام تر وسائل بروئے کار لارہی ہے، ہر شہید کے خاندان کی دیکھ بھال اور خدمت کا فریضہ پوری طرح نبھائیں گے، شہداء پر فخر ہے، قربانیوں کو ہمیشہ یاد رکھیں گے۔