تحریک انصاف نے الیکشن ایکٹ ترمیمی بل سپریم کورٹ میں چیلنج کردیا

ویب ڈیسک

07th Aug, 2024. 02:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تحریک انصاف نے الیکشن ایکٹ ترمیمی بل سپریم کورٹ میں چیلنج کردیا

اسلام آباد: پاکستان تحریک انصاف (پی ٹی آئی) نے الیکشن ایکٹ ترمیمی بل سپریم کورٹ میں چیلنج کردیا ہے۔

چیئرمین پی ٹی آئی بیرسٹر گوہر علی خان نے آئینی درخواست سپریم کورٹ میں دائر کردی جبکہ درخواست سلمان اکرم راجہ کی وساطت سے آرٹیکل 184/3 کے تحت دائر کی گئی۔

تحریک انصاف کی جانب سے درخواست میں وفاق اور الیکشن کمیشن کو فریق بنایا گیا ہے۔

درخواست میں سپریم کورٹ سے استدعا کی گئی کہ الیکشن ترمیم ایکٹ کو کالعدم اور غیر آئینی و غیر قانونی قرار دیا جائے، الیکشن کمیشن کو مخصوص نشتیں دوسری سیاسی جماعتوں کو الاٹ کرنے سے فوری روکنے اور خواتین و غیر مسلم کی مخصوص نشتیں تحریک انصاف کو الاٹ کرنے کا حکم دیا جائے۔

پی ٹی آئی کی جانب سے دائر درخواست میں کہا گیا کہ تحریک انصاف مخصوص نشتوں کی فہرستیں الیکشن کمیشن جمع کرا چکی ہے، 12 جولائی فیصلہ کے بعد مخصوص نشتیں تحریک انصاف کا حق ہے۔

واضح رہے کہ گزشتہ روز قومی اسمبلی نے اپوزیشن کے شدید احتجاج اور شور شرابے کے باوجود الیکشن ایکٹ ترمیمی بل کثرت رائے سے منظور کیا تھا۔