77 واں یوم آزادی؛ پاکستان ملٹری اکیڈمی کاکول میں آزادی نائٹ پریڈ کا انعقاد

سلمان علی اعوان

13th Aug, 2024. 10:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

77 واں یوم آزادی؛ پاکستان ملٹری اکیڈمی کاکول میں آزادی نائٹ پریڈ کا انعقاد

اسلام آباد: پاکستان کے 77ویں یومِ آزادی کے موقع پر آج رات پاکستان ملٹری اکیڈمی کاکول میں آزادی نائٹ پریڈ کا انعقاد کیا جائے گا۔

پاکستان کی 77 ویں سالگرہ پر پاکستان ملٹری اکیڈمی کاکول میں شاندار آزادی پریڈ کا اہتمام کیا جا رہا ہے، آزادی پریڈ کا اہتمام 13 اور 14 اگست کی درمیانی شب کیا جائے گا۔

چیف آف آرمی اسٹاف جنرل سید عاصم منیر آزادی پریڈ تقریب کے مہمان خصوصی ہوں گے جبکہ پاکستان ملٹری اکیڈمی کے کیڈٹس اپنے مخصوص انداز میں ڈرل پریڈ کی مہارت کا شاندار مظاہرہ پیش کریں گے۔

اس موقع پر سرزمین پاکستان اور مادرِ وطن کے شہداء کو خصوصی خراج تحسین پیش کیا جائے گا، یہ تقریب اس حقیقت کا والہانہ اظہار ہو گا کہ پاکستانی قوم ایک زندہ دل قوم ہے جو اپنی آزادی کا جشن بھرپور اور پُرجوش انداز میں مناتی ہے۔

جشن آزادی اس بات کی عکاسی کرتا ہے کہ ’’پاکستان ہے تو ہم سب ہیں‘‘۔