اسلام آباد کے ایوانوں میں رات بھر لاقانونیت راج کرتی رہی، بیرسٹر سیف

ویب ڈیسک

10th Sep, 2024. 12:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد کے ایوانوں میں رات بھر لاقانونیت راج کرتی رہی، بیرسٹر سیف

پشاور: مشیر اطلاعات خیبرپختونخوا بیرسٹر ڈاکٹر سیف نے کہا ہے کہ اسلام اباد کے ایوانوں میں رات بھر لاقانونیت راج کرتی رہی۔

بیرسٹر سیف نے اپنے جاری کردہ بیان میں کہا کہ جعلی حکومت جتنی بھی فسطائیت کریں پی ٹی آئی ڈٹ کر مقابلہ کریں گے، جعلی حکومت کی فسطائیت پی ٹی آئی رہنماؤں اور کارکنوں کو مزید تقویت بخشتی ہے۔

انہوں نے کہا کہ کل رات جعلی حکومت نے جمہوریت کا جنازہ بڑی دھوم دھام سے نکال دیا، اسلام آباد کے ایوانوں میں رات بھر لاقانونیت راج کرتی رہی۔

مشیر اطلاعات کا کہنا تھا کہ پارلیمنٹ پر شب خون مارکر بے توقیری کی گئی، پارلیمنٹ سے معزز اراکین کو اٹھاتے رہے جبکہ اسپیکر ہاتھوں پر ہاتھ رکھ کر تماشا دیکھتے رہے۔

بیرسٹر سیف نے کہا کہ کل رات جوا ہوا وہ کبھی بدترین ڈکٹیٹرشپ میں بھی نہیں ہوا ہے، ہمارے معزز وکلاء اور اراکین پارلیمنٹ کو بے توقیری کے ساتھ اٹھایا گیا۔

انہوں نے مزید کہا کہ ایک جلسے کی کامیابی سے بد حواسی کا یہ عالم ہے، بانی پی ٹی آئی کی رہائی تک جدوجہد جاری رکھیں گے۔