پاکستان تحریک انصاف کے رہنما شعیب شاہین کو اڈیالہ جیل سے رہا کر دیا گیا ہے۔

پاکستان تحریک انصاف کے رہنما شعیب شاہین کو ضمانت منظور ہونے پر جیل سے رہا کیا گیا، انکی ضمانت انسداد دہشتگردی عدالت کے جج طاہر عباس سپرا نے منظور کی تھی۔

یاد رہے کہ شعیب شاہین تھانہ سنگجانی میں درج مقدمہ میں گرفتار اور اڈیالہ جیل قید تھے۔

دوسری جانب پی ٹی آئی پارلیمانی پارٹی اجلاس کے بعد بیرسٹر گوہر علی خان نے اسد قیصر کے ہمراہ میڈیا سے گفتگو کرتے ہوئے کہا ہے کہ سپریم کورٹ کا آج کا فیصلہ حق اور سچ کی فتح ہے۔

انہوں نے کہا کہ سپریم کورٹ نے قرار دیا ہے کہ پی ٹی آئی کے سرٹفیکیٹ جمع کرانے والے ارکان کا نوٹیفکیشن جاری نہ کرنا فیصلے میں رکاوٹ ڈالنے کے مترادف ہے۔

بیرسٹر گوہر نے کہا کہ سپریم کورٹ الیکشن کمیشن کے مجھے لکھے گئے خطوط کی روشنی میں مجھے چیئرمین قرار دیا گیا، میرے چیئرمین نہ ہونے پر الیکشن کمیشن نے جان بوجھ کر بدنیتی سے جواز گھڑا۔

چیئر مین پی ٹی آئی نے کہا کہ سپریم کورٹ نے اب بالکل ہر چیز واضح کردی ہے، اب پی ٹی آئی کو مخصوص نشستیں بھی ملیں گی، اب سینیٹ کے خیبر پختونخوا کے الیکشن بھی ہوں گے، پی ٹی آئی اب پارلیمنٹ میں سب سے بڑی پارٹی بنے گی۔