راولپنڈی: پاک بحریہ کے جنگی بحری جہاز پی این ایس شمشیر کی آپریشن ’’ٹیلون گرپ‘‘ میں شرکت۔

پاک فوج کے شعبہ تعلقات عامہ (آئی ایس پی آر) کے مطابق پاک بحریہ کے جنگی بحری جہاز پی این ایس شمشیر نے آپریشن ’’ٹیلون گرپ‘‘ میں شرکت کی۔

آئی ایس پی آر نے بتایا کہ پی این ایس شمشیر اس وقت خلیج عمان میں علاقائی میری ٹائم سیکیورٹی پیٹرول پر تعینات ہے۔

آئی ایس پی آر کا کہنا تھا کہ علاقائی میری ٹائم سیکیورٹی پیٹرول پر تعیناتی کے دوران پی این ایس شمشیر نے شراکت دار اور دوست ممالک کے ساتھ آپریشن ’’ٹیلون گرپ‘‘ میں شرکت کی۔

ترجمان پاک فوج کا کہنا ہے کہ مزید برآں برطانیہ کی رائل نیوی کے جہاز ایچ ایم ایس لنکاسٹرکے ساتھ مشق کا بھی انعقاد کیا گیا۔

آئی ایس پی آر نے مزید بتایا کہ مشق کا مقصد دونوں بحری افواج کے درمیان ہم آہنگی اور باہمی تعاون کو بہتر بنانے اور خطے میں مشترکہ آپریشنز کرنے کی صلاحیت کا مظاہرہ کرنا تھا۔

ترجمان پاک فوج کہتے ہیں کہ پاک بحریہ کمبائنڈ میری ٹائم فورسز کے تحت بحرہند میں انسداد بحری قزاقی اور انسداد منشیات کے لیے بھی سرگرم ہے۔

پاک فوج کے شعبہ تعلقات عامہ نے مزید کہا کہ پاک بحریہ بحرہند میں قومی اور بین الاقوامی سمندری راستوں کی نگرانی کے لیے اپنی موجودگی برقرار رکھے ہوئے ہے۔