پوائنٹ آف سیلز ڈیوائس فیس؛ ایف بی آر نے کروڑوں کمالیے

فہد چوہدری

09th Sep, 2024. 07:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پوائنٹ آف سیلز ڈیوائس فیس؛ ایف بی آر نے کروڑوں کمالیے

اسلام آباد: پوائنٹ آف سیلز ڈیوائس فیس کی مد میں ایک، ایک روپیہ اکٹھا کر کے ایف بی آر نے کروڑوں کمالیے۔

وزارت خزانہ نے قومی اسمبلی کو تفصیلات سے آگاہ کردیا ہے جس کے مطابق پوائنٹ آف سیلز ڈیوائس کے ذریعے ادائیگی پر ہر انوائس پر ایک روپیہ فیس ایف بی آر کو جاتی ہے۔

تحریری جواب کے مطابق گزشتہ مالی سال کے دوران پی او ایس فیس کی مد میں ایف بی آر نے 59 کروڑ 55 لاکھ 71 ہزار روپے وصول کیے۔

جواب میں بتایا گیا ہے کہ یکم جولائی 2022 سے 30 جون 2023 تک پی او ایس فیس کی مد میں 66 کروڑ 44 لاکھ 31 ہزار روپے وصول کیے گئے، 30 ستمبر 2021 سے 30 جون 2022 تک پی او ایس فیس کی مد میں 24 کروڑ 1 لاکھ 30 ہزار روپے وصول کیے گئے۔

جواب میں مزید بتایا گیا ہے کہ پی او ایس فیس کی مد میں اکٹھی ہونے والی رقم ان لینڈ ریوینیو سروس ملازمین کی بہبود پر خرچ کی جاتی ہے۔ فیس سے اکٹھی ہونے والی رقم انعامی اسکیم اور میڈیا کمپین پر بھی خرچ کی جاتی ہے۔