انٹرنیشنل ایسوسی ایشن آف پیس کیپنگ ٹریننگ سینٹر کی سالانہ کانفرنس اختتام پذیر ہوگئی۔

پاک فوج کے شعبہ تعلقات عامہ (آئی ایس پی آر) کے مطابق انٹرنیشنل ایسوسی ایشن آف پیس کیپنگ ٹریننگ سینٹر کی سالانہ کانفرنس نسٹ کے سینٹر فار انٹرنیشنل پیس این اسٹیبلیٹی میں منعقد ہوئی جو اختتام پذیر ہوگئی ہے۔

آئی ایس پی آر کا کہنا ہے کہ اختتامی تقریب کی صدارت سیکرٹری دفاع لیفٹیننٹ جنرل (ر) محمد علی نے کی جب کہ سیکرٹری دفاع نے کانفرنس کے کامیاب انعقاد پر شرکاء اور منتظمین سے اظہار تشکر جئا۔

ترجمان پاک فوج نے بتایا کہ اختتامی سیشن میں مندوبین نے کانفرنس کی سفارشات اور تجاویز پر روشنی ڈالی جب کہ شرکاء نے تربیت کے جدید طریقہ کار اور ٹیکنالوجی کے استعمال کو بڑھانے پر زور دیا۔

آئی ایس پی آر کے مطابق شرکاء نے امن کے قیام میں خواتین کی شرکت کو بااختیار بنانے کی اہمیت پر توجہ مرکوز کرنے کا عزم کیا۔

پاک فوج کے شعبہ تعلقات عامہ کا کہنا تھا کہ کانفرنس نے قیام امن کے لئے ابھرتے چیلنجز سے نمٹنے کے لئے بین الاقوامی تعاون کی اہمیت کو بھی اجاگرکیا۔

آئی ایس پی آر نے مزید بتایا کہ سابق صدر بریگیڈیئر جنرل جوائس (کینیا) نے صدارت پرنسپل نسٹ سینٹر راجہ آفتاب کو سونپی جب کہ شرکاء نے پرتپاک میزبانی، تعاون اور عالمی امن کے لئے کوششوں میں پاکستان کے کردار کو سراہا۔