وزیر خزانہ کی آئی ایم ایف وفد کو نئے قرض پروگرام پر عملدرآمد کی یقین دہانی

عمر حیات خان

12th Nov, 2024. 10:37 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر خزانہ کی آئی ایم ایف وفد کو نئے قرض پروگرام پر عملدرآمد کی یقین دہانی

اسلام آباد: وفاقی وزیر خزانہ محمد اورنگزیب نے آئی ایم ایف کے وفد کو نئے قرض پروگرام پر مکمل عملدرآمد کی یقین دہانی کروا دی۔

عالمی مالیاتی فنڈ (آئی ایم ایف) کا وفد وزارت خزانہ پہنچا جہاں وزیر خزانہ و محصولات سینیٹر محمد اورنگزیب نے وفد کو خوش آمدید کہا۔

آئی ایم ایف مشن چیف نیتھن پورٹر کی قیادت میں وفد کی وفاقی وزیر خزانہ محمد اورنگزیب سے ملاقات ہوئی جس میں سات ارب ڈالر قرض پروگرام میں ہونے والی پیشرفت سے متعلق تبادلہ خیال کیا گیا۔

ملاقات میں وزیر خزانہ نے آئی ایم ایف وفد کو معاشی صورتحال پر بریفنگ دی اور نئے پروگرام پر مکمل عملدرآمد کی یقین دہانی کرائی۔

ملاقات کے دوران معاشی استحکام کے لئے پالیسیوں کے تسلسل کے عزم کا بھی اظہار کیا گیا۔

بریفنگ میں بتایا گیا کہ معیشت کی بہتری کیلئے جاری اصلاحات کے عمل کو مکمل کیا جائے گا، تاہم رواں مالی سال کی پہلی سہ ماہی کے زیادہ تر اہداف حاصل کر لیے۔

علاوہ ازیں وزیر مملکت برائے خزانہ علی پرویز ملک، گورنر اسٹیٹ بینک، چیئرمین ایف بی آر اور وزارت خزانہ کے اعلیٰ حکام بھی ملاقات میں موجود تھے۔

واضح رہے کہ آئی ایم ایف وفد 15 نومبر تک پاکستان میں قیام کرے گا۔