غیر ملکی سفیروں کی سلامتی ہمیں اپنی سلامتی سے زیادہ عزیز ہے، اسحاق ڈار

سلمان علی اعوان

04th Dec, 2024. 12:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غیر ملکی سفیروں کی سلامتی ہمیں اپنی سلامتی سے زیادہ عزیز ہے، اسحاق ڈار

اسلام آباد: نائب وزیراعظم اسحاق ڈار نے کہا ہے کہ غیر ملکی سفیروں اور مہمانوں کی سلامتی ہمیں اپنی سلامتی سے زیادہ عزیز ہے۔

نائب وزیراعظم اسحاق ڈار نے ڈپلومیٹک کور سے گفتگو کرتے ہوئے کہا کہ اسلام آباد میں ریڈ زون کی سیکیورٹی ہمیشہ سے حکومت کی ترجیح رہی ہے، اسلام اباد میں کسی بھی طرح کے احتجاج کے لیے جگہ مختص کی گئی ہے۔

انہوں نے کہا کہ غیر ملکی سفیروں اور مہمانوں کی سلامتی ہمیں اپنی سلامتی سے زیادہ عزیز ہے، گزشتہ ایک دہائی کے دوران اس جماعت کی جانب سے پرتشدد احتجاج کی ایک تاریخ رہی ہے۔

نائب وزیراعظم نے کہا کہ اسلام آباد ہائی کورٹ نے دارالحکومت میں احتجاج کے حوالے سے واضح احکامات جاری کیے، قانون اور عدالتی فیصلے کے باوجود پی ٹی ائی احتجاج پر مصر رہی۔

اسحاق ڈار نے مزید کہا کہ ماضی میں پی ٹی آئی نے 35 پنکچرز کا جھوٹا بیانیہ بنایا، جوڈیشل کمیشن کی تحقیقات میں 35 پنکچرز کا بیانیہ جھوٹ ثابت ہوا۔