مدارس کی رجسٹریشن پر کوئی سمجھوتہ ممکن نہیں، طاہر محمود اشرفی

ویب ڈیسک

14th Dec, 2024. 01:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مدارس کی رجسٹریشن پر کوئی سمجھوتہ ممکن نہیں، طاہر محمود اشرفی

پاکستان علماء کونسل کے سربراہ حافظ محمد طاہر محمود اشرفی نے کہا کہ مدارس کی رجسٹریشن پر کوئی سمجھوتہ ممکن نہیں ہے۔

حافظ محمد طاہر محمود اشرفی نے کہا کہ اختلاف اس بات پر ہے کہ جو مدارس وزارت تعلیم کے ساتھ منسلک ہو گئے ان کے حوالہ سے کسی قسم کی منفی قانون سازی نہ ہو، جبکہ مدارس اپنا آڈٹ بھی کرواتے ہیں اور مدارس کے حسابات سب کیلئے کھلے ہیں۔

انہوں نے کہا کہ اگر کوئی مدارس کے حسابات کو چیک کرنا چاہتا ہے تو مدارس کو کیا اعتراض ہو سکتا ہے، کسی بھی عالمی قوت کو پاکستان کے نظام میں مداخلت کا حق نہیں ہے اور نہ ہی کوئی عالمی قوت پاکستان کے مدارس کے نظام میں مداخلت کر سکتی ہے۔

حافظ محمد طاہر محمود اشرفی نے مزید یہ بھی کہا کہ فیٹف کے حوالہ سے ماضی میں بھی مدارس سے کوئی شکایت نہ تھی اور نہ ہی اب ہے،گالی گلوچ اور الزام تراشی سے مدارس کے مسائل حل نہیں ہوں گے۔