وفاقی کابینہ کا اجلاس آج طلب؛ 21 نکاتی ایجنڈا زیر بحث آئے گا

فہد

02nd Dec, 2024. 10:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی کابینہ کا اجلاس آج طلب؛ 21 نکاتی ایجنڈا زیر بحث آئے گا

اسلام آباد: وزیراعظم شہباز شریف کی زیر صدارت وفاقی کابینہ کا اجلاس آج شام 4 بجے وزیراعظم ہاؤس میں طلب کیا گیا ہے جس میں 21 نکاتی ایجنڈا زیر بحث آئے گا۔

وزیراعظم کی زیر صدارت ہونے والے وفاقی کابینہ کے اجلاس کا ایجنڈا جاری کر دیا گیا ہے جس میں ملک کی مجموعی سیاسی و سیکیورٹی صورتحال پر غور کیا جائے گا۔

ایجنڈے کے مطابق اجلاس کے دوران ٹیکس کے حصول کیلئے کیے گئے اقدامات پر کابینہ کو بریفنگ دی جائے گی جبکہ وزراء اور وفاقی سیکریٹریز کو بیرون ملک بزنس کلاس پر سفر کی اجازت پر غور ہوگا۔

اجلاس میں اسٹیٹ بینک آف پاکستان ترمیمی بل 2024 کی منظوری پر بھی فیصلہ ہوگا جبکہ بیرون ملک پاکستان چیئرز کے حوالے سے مفاہمتی یادداشتوں کی تجدید کی منظوری کا بھی امکان ہے۔

ایجنڈے میں بتایا گیا ہے کہ اجلاس میں مارکیٹ میں یوریا قیمتوں کے استحکام کو یقینی بنانے کیلئے کابینہ کمیٹی کی رپورٹ کا جائزہ لیا جائے گا۔

علاوہ ازیں پاکستان نیشنل شپنگ کارپوریشن کو اسٹریٹجک ریاستی ادارہ قرار دیا جائے گا اور ادویات کیلئے قومی قیمت کمیٹی کی تشکیلِ نو پر بھی کابینہ بحث کرے گی۔