اسلام آباد: پاکستان میں غیرملکی سرمایہ کاری کے فروغ میں ایس آئی ایف سی کا کلیدی کردار ہے۔

خصوصی سرمایہ کاری سہولت کونسل (ایس آئی ایف سی) کی سہولت کاری اور مؤثر حکومتی پالیسیوں کے باعث غیر ملکی سرمایہ کاروں کا اعتماد بحال ہوگیا۔

پاکستانی سفیر برائے امریکہ کی نیویارک کے سرمایہ کاروں اور کاروباری رہنماؤں کے ساتھ نتیجہ خیز ملاقات ہوئی جس میں نیویارک چیمبر آف کامرس کا سرمایہ کاری کے لیے  پاکستان کے ٹیکسٹائل، لیدر، سرجیکل اور آئی ٹی کے  شعبوں میں گہری دلچسپی کا اظہار کیا گیا۔

آئی ٹی اور زراعت کے ساتھ ساتھ  کان کنی اور سیاحت کے شعبوں میں بھی وسیع سرمایہ کاری کے لیے پاکستان نے بے پناہ صلاحیتوں کی یقین دہانی کرائی۔

امریکہ اور پاکستان کے درمیان تجارتی اور سرمایہ کاری تعلقات کو مزید فروغ دینے کا عزم کیا گیا اور پاکستان کی سرمایہ کاری دوست پالیسیاں اور جغرافیائی اہمیت غیر ملکی سرمایہ کاروں کے لیے انتہائی موزوں قرار دی گئی۔

 غیر ملکی سرمایہ کاروں کیلئے مراعات اور مواقع، پاکستان عالمی سرمایہ کاروں کیلئے پرکشش مرکز قرار دیا گیا، تاہم ایس آئی ایف سی کے تعاون سے پاکستان میں سرمایہ کاری کے ذریعے معاشی استحکام کی کاوشیں خوش آئند ہیں۔