اداروں کی بربادی کا آغاز دیکھیں تو ایم کیوایم کا چہرہ نظر آئے گا، سعید غنی

ویب ڈیسک

06th Dec, 2024. 02:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداروں کی بربادی کا آغاز دیکھیں تو ایم کیوایم کا چہرہ نظر آئے گا، سعید غنی

صوبائی وزیر بلدیات سعید غنی نے کہا ہے کہ اداروں کی بربادی کا آغاز دیکھیں تو ایم کیوایم کا چہرہ نظر آئے گا۔

صوبائی وزیر بلدیات سعید غنی نے کراچی ایکسپو سینٹر میں میڈیا سے گفتگو کرتے ہوئے کہا کہ ایم کیوایم کے دور میں غریبوں کی ریٹائرمنٹ، پنشن کے پیسے کہاں گئے؟ کے ایم سی، کے ڈی اے سمیت دیگر ادارے کس نے تباہ کیے؟

انہوں نے کہا کہ کے فور منصوبہ تاخیر کا شکار ہے، پی ٹی آئی حکومت میں آئی کسی نے کہا کہ کےفور منصوبےمیں بہت کرپشن ہے، بانی پی ٹی آئی نے کے فور کا کام رکوا دیا، تحقیقات شروع ہوگئیں۔

سعید غنی کا کہنا تھا کہ ایک ادارے کو زمین بوس اور برباد کر کے کہتےہیں کہ ٹھیک نہیں، ایم کیوایم کو یہ باتیں نہیں کرنی چاہئیں، ان تمام چیزوں کے ذمہ دار وہ ہیں، جب ایم کیوایم راج کرتی تھی تو اس وقت ان اداروں کو کہاں پہنچایا گیا۔

صوبائی وزیر نے مزید کہا کہ کراچی کے حالات اور معیشت بہتر ہورہی ہے، ایم کیو ایم سے پوچھیں کہ کراچی شہر کو تباہ کس نے کیا ہے، لوگ سمجھتے ہیں کراچی میں اس قسم کی نمائش سے فائدہ ہوگا۔