وزیر اعلیٰ پنجاب مریم نواز شریف نے شنگھائی ایکسپیریمنٹل اسکول اور چائینز اکیڈمی آف سائنسز کا دورہ کیا ہے۔

 شنگھائی ایکسپیریمنٹل اسکول میں بچوں کو آرٹی فیشل انٹیلی جنس کے علوم سیکھانے کیلئے قائم کیا گیا ہے، 12سے 15 سال کے بچوں کو شنگھائی ایکسپیریمنٹل اسکول میں جدید اے آئی کی جدید ٹیکنیک سے آگاہ کیا جاتا ہے۔

وزیر اعلیٰ مریم نواز نے شنگھائی ایکسپیریمنٹل اسکول کے مختلف شعبوں کا مشاہدہ کرتے ہوئے کلاس روم پہنچ گئیں۔

مریم نواز نے بچوں کو آرٹی فیشل انٹیلی جنس ایجوکیشن کے سیکھانے کے جدید طریقہ کار کا مشاہدہ کیا، آرٹی فیشل انٹیلی جنس کے بارے میں دریافت کیا اور شنگھائی ایکسپیریمنٹل اسکول کے طلبہ کی اے آئی تخلیقات کا معائنہ بھی کیا۔

اس موقع پر مریم نواز کی ضلع جیاڈنگ کی ڈائریکٹر بیورو آف ایجوکیشن گوان وینجی، شنگھائی ایکسپیریمنٹل اسکول اور چائینزاکیڈمی آف سائنسز کے صدر زیا ہانگ می سے ملاقات ہوئی، اس دوران وزیر اعلیٰ نے چین کے ایجوکیشن سسٹم کے بارے میں خصوصی بریفنگ دی۔

بریفنگ میں بتایا گیا کہ شنگھائی ایکسپیریمنٹلا اسکول میں کمسن طلبہ کو آرٹی فیشل انٹیلی جنس پر مفت تعلیم دی جاتی ہے، شنگھائی ایکسپیریمنٹل اسکول میں شنگھائی اور گرد ونواح کے بچے زیر تعلیم ہیں۔

وزیر اعلیٰ مریم نواز نے اسکول کے بجٹ، نصاب اور طریقہ تعلیم کے بارے میں دریافت کیا اور شنگھائی ایکسپیریمنٹل اسکول کے آرٹی فیشنل انٹیلی جنس ایکسپرٹ ٹیچر کے بارے میں بھی پوچھا۔