دسمبر 2024 کے دوران بیرون ملک پاکستانیوں نے ترسیلاتِ زر کی مد میں  3.1  ارب ڈالر کی ریکارڈ رقم بھیجیں۔

نمو کے لحاظ سے ترسیلات ِزر دسمبر 2024 سال بہ سال 29.3  فیصد اور ماہ بہ ماہ 5.6 فیصد  بڑھ گئیں۔

اسٹیٹ بینک کے مطابق ترسیلاتِ زر میں مالی سال 25 کی پہلی ششماہی کے دوران مجموعی طور پر 17.8  ارب ڈالر آئے، جو مالی سال 24  کی پہلی ششماہی کے موصول شدہ  13.4  ارب ڈالر کے مقابلے میں 32.8  فیصد اضافہ ہے۔

اسٹیٹ بینک نے بتایا کہ دسمبر 2024 کے دوران ترسیلاتِ زر زیادہ  تر سعودی عرب سے (770.6 ملین ڈالر)، موصول ہوئیں، جبکہ متحدہ عرب امارات سے (631.5 ملین ڈالر) موصول ہوئے۔

 اسٹیٹ بینک کے مطابق برطانیہ سے ( 456.9 ملین ڈالر) اور ریاست ہائے متحدہ امریکہ سے (284.3  ملین ڈالر) کی ترسیلات موصول ہوئیں۔