
اسپیکر قومی اسمبلی سردار ایاز صادق نے کہا ہے کہ پاکستان کے عوام ترکیہ سے گہری وابستگی رکھتے ہیں۔
اسپیکر قومی اسمبلی سردار ایاز صادق سے ترکیہ کے سفیر ڈاکٹر عرفان نذیراوعلو کی پارلیمنٹ ہاؤس میں ملاقات ہوئی، ملاقات میں دوطرفہ تعلقات، پارلیمانی تعاون اور علاقائی امور پر تبادلہ خیال ہوا۔
اس موقع پر سردار ایاز صادق نے کہا کہ پاکستان اور ترکیہ یک جان دو قالب کی مانند ہے، پاکستان اور ترکیہ مذہب، بھائی چارے، تاریخ اور ثقافت کے لازوال رشتوں میں بندے ہوئے ہیں، پاکستان کے عوام ترکیہ سے گہری وابستگی رکھتے ہیں۔
اسپیکر نے ترکیہ میں جمہوریت کے تحفظ کے لیے ترکیہ کی عوام کی قربانیوں کو خراجِ تحسین پیش کیا۔
ان کا کہنا تھا کہ دونوں برادر ممالک علاقائی اور عالمی ایشوز پر یکساں مؤقف رکھتے ہیں، دونوں ممالک نے ہمیشہ علاقائی اور عالمی فورمز پر ایک دوسرے کے موقف کی حمایت کی ہے۔
سردار ایاز صادق نے کہا کہ دونوں ممالک کی پارلیمانوں مابین پارلیمانی سطح پر رابطوں کے فروغ سے دوطرفہ تعلقات مزید مستحکم ہونگے، قومی اسمبلی میں قائم پاک – ترکیہ پارلیمانی فرینڈ شپ گروپ دونوں ممالک کے پارلیمانوں میں رابطوں کے فروغ کے لیے فعال کردار ادا کر رہا ہے۔
اسپیکر قومی اسمبلی کا کہنا تھا کہ پارلیمانی رابطوں میں اضافے سے دونوں ممالک کے اراکین پارلیمنٹ کے مابین ہم آہنگی میں اضافہ ہو گا۔
ترکیہ کے سفیر ڈاکٹر عرفان نذیراوعلو نے اسپیکر قومی اسمبلی کے تاثرات کو سراہا۔
انہوں نے کہا کہ ترکیہ پاکستان کے ساتھ اپنے برادرانہ تعلقات کو قدر نگار دیکھتا ہے، ترکیہ اور پاکستان کی عوام کے مابین محبت، احترام اور اخوت کا رشتہ پایا جاتا۔
ان کا کہنا تھا کہ پارلیمانی سفارتکاری دونوں برادر ممالک کو مزید قریب لانے میں اہم کردار ادا کر سکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News