
نوازشریف کے اقدامات کے باعث دنیا بھر سے سرمایہ کارپاکستان آئے، احسن اقبال
وفاقی وزیرمنصوبہ بندی احسن اقبال نے کہا کہ نوازشریف کے اقدامات کے باعث دنیا بھر سے سرمایہ کارپاکستان آئے۔
وفاقی وزیر منصوبہ بندی احسن اقبال نے نارووال میں تقریب سے خطاب کرتے ہوئے کہا کہ مسلم لیگ ن کی حکومت نے ملک سے اندھیروں کا خاتمہ کیا، نوازشریف نے قوم سے لوڈشیڈنگ ختم کرنےکا وعدہ نبھایا۔
احسن اقبال نے کہا کہ نوازشریف نے ملک کوترقی کی راہ پر گامزن کیا، 11ہزارمیگاواٹ بجلی پیدا کرکے لوڈشیڈنگ کا خاتمہ کیا۔
انہوں نے یہ بھی کہا کہ 25 ارب ڈالرکی سرمایہ کاری سے سی پیک کا آغاز کیا، 2018 میں سازش کے تحت نوازشریف کوحکومت سے ہٹایا گیا۔
احسن اقبال نے کہا کہ ملک پرنالائق اور ناتجربہ کارشخص کومسلط کیاگیا، آرٹی ایس سسٹم بٹھا کردھاندلی سے اناڑی کواقتداردلوایاگیا۔
ان کا یہ بھی کہنا تھا کہ پی ٹی آئی اپنے دورکا کوئی ایک منصوبہ عوام کےسامنے رکھے، سیلانی کے لنگرخانوں پربانی پی ٹی آئی نےاپنی مہرلگائی۔
احسن اقبال نے کہا کہ پاکستان کے خلاف لندن، امریکہ میں پی ٹی آئی نے شرمناک مظاہرے کیے، رسیدیں مانگنے والا بانی پی ٹی آئی اپنی رسیدوں سے بھاگ رہاہے، بانی پی ٹی آئی نےقوم کے 64 ارب روپے پر ڈاکا ڈالا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News