پاکستان انٹرنیشنل ایئر لائن (پی آئی اے)  نے نیو گوادر انٹرنیشنل ائیرپورٹ سے بین الاقوامی پروازوں کا اغاز کر دیا ہے۔

پی آئی اے کے ترجمان کے کے مطابق قومی ایئر لائن نے اپنی روایت برقرار رکھتے ہوئے نیو گوادر انٹرنیشنل ایئرپورٹ سے بین الاقوامی افتتاحی پرواز پی کے 197 مسقط کے لیے39 مسافروں کو لے کر روانہ ہوگئی۔

ترجمان نے بتایا کہ گوادر ایئر پورٹ پر پی آئی اے کے اعلیٰ حکام نے مسافروں کو رخصت کیا، جبکہ پی آئی اے  ابتدائی طور پر مسقط کے لیے ہفتہ وار ایک پرواز آپریٹ کرے گی۔

پی آئی اے کے ترجمان کے مطابق پی آئی اے قومی امنگوں اور عوامی ضروریات کے تحت پورے ملک میں فضائی آپریشن فعال کرنے کے لیے متحرک ہے۔