Advertisement

صدر مملکت کی آذربائیجان کے وزیر دفاعی صنعت سے ملاقات، تعاون بڑھانے پر اتفاق

صدر آصف علی زرداری کی آذربائیجان کے وزیر دفاعی صنعت وگار مصطفٰی یوو سے ایوان صدر میں ملاقات ہوئی  جس میں دونوں ممالک کے مابین تعاون بڑھانے پر اتفاق کیا گیا۔

ملاقات میں دونوں ممالک کے درمیان تجارت، توانائی، فضائی اور عوامی روابط کے شعبوں میں تعاون بڑھانے کے حوالے سے گفتگو کی گئی۔

صدر مملکت نے اس موقع پر کہا کہ پاکستان اور آذربائیجان کے درمیان تاریخی اور گہرے تعلقات ہیں، اور ان تعلقات کو مزید مستحکم کرنے کی ضرورت ہے۔

انہوں نے کہا کہ عوامی، سیاحتی اور تجارتی تعلقات کو بڑھا کر علاقائی اقتصادی تعاون کو فروغ دیا جا سکتا ہے۔

صدر نے پاکستان اور آذربائیجان کے مابین ثقافتی روابط اور عوامی وفود کے تبادلوں کو مزید فروغ دینے کی اہمیت پر بھی زور دیا۔

Advertisement

صدر آصف علی زرداری نے آذربائیجان کے وزیر دفاعی صنعت کی توجہ اس بات پر دلاتے ہوئے کہا کہ براہ راست پروازوں کا آغاز دونوں ممالک کے عوامی روابط کو مزید مستحکم کرنے میں مددگار ثابت ہوگا۔

انہوں نے امید ظاہر کی کہ براہ راست پروازیں عوامی سطح پر تعلقات کو مزید فروغ دیں گی۔

آذربائیجان کے وزیر دفاعی صنعت وگار مصطفٰی یوو نے دونوں ممالک کے درمیان گہرے تعلقات کو اجاگر کرتے ہوئے کہا کہ آذربائیجان پاکستان کے ساتھ توانائی، کاروبار اور ثقافت کے شعبوں میں تعاون بڑھانے کا خواہاں ہے۔

انہوں نے اس بات پر بھی زور دیا کہ دونوں ممالک نے مشکل وقت میں ایک دوسرے کا ساتھ دیا اور آذربائیجان کے عوام پاکستان کی سیاسی حمایت کو ہمیشہ یاد رکھیں گے۔

وزیر دفاعی صنعت نے صدر مملکت کے پرتپاک استقبال پر شکریہ ادا کیا اور آذربائیجان کے صدر کی جانب سے صدر پاکستان کے لیے نیک خواہشات کا اظہار کیا۔ ساتھ ہی انہوں نے پاکستان کے امن و خوشحالی کے لیے بھی آذربائیجان کے صدر کی نیک خواہشات کا پیغام پہنچایا۔

اعلامیہ کے مطابق، 2024 میں 72,000 سے زائد پاکستانیوں نے کاروباری اور سیاحتی مقاصد کے تحت آذربائیجان کا دورہ کیا۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
اختتام
مزید پڑھیں
آج کی بول نیوز
دو روزہ بین الاقوامی فلسطین کانفرنس کل اسلام آباد میں شروع ہو گی
سیہون، مزار حضرت لعل شہباز قلندر پر زائرین سے لوٹ مار پر اوقاف ملازمین کی معطلی
اسپیئرز آف وکٹری ایکسرسائز 2025 میں پاک فضائیہ کے دستے کی شاندار شرکت
پیٹرولیم سیکٹر سے اچھی خبر؛ فرنس آئل کی ایکسپورٹ میں زبردست اضافہ
مصطفیٰ اغوا کیس میں اہم پیش رفت؛ ڈی آئی جی سی آئی اے نے تفصیلات بتادیں
آئی ایم ایف وفد کے ساتھ سپریم کورٹ بار کی ملاقات کا اعلامیہ جاری
Advertisement
Next Article
Exit mobile version