لاہور: وزیراعلیٰ پنجاب مریم نوازشریف کا اپنی چھت، اپنا گھر پروگرام تاریخی کامیابی سے ہمکنار ہے۔

صوبہ بھر میں 9ہزار سے زیادہ افراد کو ساڑھے 8ارب روپے سے زیادہ بلاسود قرض جاری ہے، چند ماہ کی مختصر مدت میں ساڑھے 8ارب روپے کے مائیکروفنانس قرض کا منفرد ریکارڈ کیا گیا۔

مختصر ترین مدت میں اپنی چھت، اپنا گھر کے پورٹل پر 4لاکھ سے زائد درخواستیں بمع ڈاکومنٹ جمع ہونے کا ریکارڈ بن گیا۔

اپنی چھت، اپنا گھر پروگرام کے فیز ون میں 5ہزار لون جاری ہے، اس پروگرام کے تحت 5ہزار سے زائد گھر تیزی سے تکمیل کے حتمی مراحل میں داخل ہوگئے۔

فیز ٹو میں ملنے والے 3ہزار لون سے بھی گھروں کی تعمیر کا آغاز ہوگیا جبکہ اپنی چھت، اپنا گھر پورٹل پر ملنے والی درخواستوں کی تصدیق 3 غیر جانبدار مائیکر وفنانس ادارے کررہے ہیں۔

وزیراعلیٰ مریم نواز کے احکامات کے مطابق ایک سال میں ایک لاکھ او رپانچ سال میں پانچ لاکھ گھر بنانے کا ہدف حاصل کیا جائے گا، تاہم اپنی چھت، اپنا گھر پراجیکٹ پر acag.punjab.gov.pk پورٹل اور ہیلپ لائن نمبر0800-09100 قائم کیا گیا ہے۔

وزیراعلیٰ مریم نوازشریف نے اپنی چھت، اپنا گھر پراجیکٹ کے اہداف حاصل کرنے کی ضرورت پر زور دیتے ہوئے کہا کہ ریاست ماں کے جیسی ہے او رماں کو بے گھر بچوں کا زیادہ احساس ہوتا ہے۔

انہوں نے کہا کہ اپنی چھت، اپنا گھر پاکستان کا سب سے بہترین ہاؤسنگ پراجیکٹ ثابت ہوگا، دل چاہتا ہے کہ پنجاب میں کوئی بھی بے گھر نہ رہے، سب کے پاس اپنی چھت کا سکھ ہو۔

مریم نواز نے مزید کہا کہ اپنی چھت، اپنا گھر میں سفارش نہیں میرٹ پر قرض ملے گا، 15لاکھ قرض حاصل کرنے والوں کو 9سال میں ماہانہ 14ہزار قسط کی صورت میں اصل زر ہی ادا کرنے ہوں گے، اس پروگرام کے تحت بننے والے مکان دیکھ کر اتنی خوشی ہوتی ہے جیسے اپنا ہی گھر بن رہا ہو۔