بین الاقوامی مالیاتی فنڈ (آئی ایم ایف) کے تکنیکی وفد نے بجٹ یوٹیلائزیشن کو مزید بہتر بنانے اور ماڈرن ماڈل کے ذریعے مانیٹرنگ کا مطالبہ کردیا۔

ذرائع کے مطابق آئی ایم ایف کی جانب سے پبلک فنانس مینجمنٹ، گورننس اور بجٹ یوٹیلائزیشن کیلئے مؤثر طریقہ کار اختیار کرنے کی ہدایت دے دی گئی ہے۔

وزارت خزانہ کے ذرائع نے بتایا کہ ڈویلپمنٹ سیکٹر کیلئے بجٹ ریلیز اسٹریٹیجی اور مانیٹرنگ سسٹم پر آئی ایم ایف وفد کو بریفنگ دی۔

ذرائع کا کہنا ہے کہ آئندہ بجٹ میں منصوبوں کیلئے جاری فنڈز کی لائیو مانیٹرنگ کیلئے سیل تشکیل کرنے تجویز بھی زیر غور آئی۔

وزارت خزانہ کے ذرائع کے مطابق تمام منصوبوں کیلئے فنڈز ریلیز ہونے پر وزارت خزانہ اور آئی ایم ایف کی مانیٹرنگ ہو گی۔

اس دوران منصوبوں کیلئے جاری رقم مکمل استعمال نہ ہونے تک نئے فنڈز کی فراہمی کنٹرول کی تجویز بھی زیرغور آئی۔

ذرائع نے بتایا کہ وزارت خزانہ حکام کو آئندہ مالی سال 2025-26 کے بجٹ کیلئے تکنیکی وفد نے متعدد تجاویز دی ہیں۔

اس موقع پر آئی ایم ایف وفد نے بجٹ کال سرکلر کے ذریعے بجٹ میکنگ پراسس میں تمام اسٹیپ کا بھی جائزہ لیا۔