کینسر قابل علاج مرض، مناسب احتیاط سے بچاؤ ممکن ہے، مریم نواز

ویب ڈیسک

04th Feb, 2025. 12:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کینسر قابل علاج مرض، مناسب احتیاط سے بچاؤ ممکن ہے، مریم نواز

پاک فضائیہ کی کارکردگی نے فضائی جنگ کے میدان میں اعلیٰ ترین معیار قائم کر دیا، مریم نواز

لاہور: وزیراعلیٰ پنجاب مریم نواز شریف نے کہا ہے کہ کینسر قابل علاج مرض ہے اور مناسب احتیاط سے بچاؤ بھی ممکن ہے۔

وزیراعلیٰ مریم نواز نے کینسر سے بچاؤ کے عالمی دن پر پیغام دیتے ہوئے کہا کہ کینسر کی تشخیص اور علاج کے بارے میں عوامی شعور و آگاہی اشد ضروری ہے، پاکستان میں کینسر کے باعث ہونے والی شرح اموات تشویشناک ہے۔

انہوں نے کہا کہ کینسر قابل علاج مرض ہے اور مناسب احتیاط سے بچاؤ بھی ممکن ہے، کینسر سے بچاؤ کے لئے ہر سطح پر ہر فرد کو اپنا کردار ادا کرنا ہوگا۔

مریم نواز نے کہا کہ کینسر کے باعث اپنی ماں کو کھونے کا غم کبھی نہیں بھول سکتی، کینسر کے علاج کے لئے پاکستان کا پہلا سرکاری اسپتال لاہور میں زیر تکمیل ہے۔

انکا کہنا تھا کہ نوازشریف کینسر اسپتال میں ہرسٹیج کے ہر مریض کو مفت علاج کی سہولت فراہم کریں گے، عام آدمی کے لئے کینسر کا مہنگے علاج کے اخراجات ادا کرنا مشکل ہے، ریاست اپنا کردار نبھائے گی۔

وزیراعلیٰ نے مزید کہا کہ منشیات اور سگریٹ سے پرہیز کرکے کینسر سے بچاؤ ممکن ہے، چاہتی ہوں عوام کو ہر ضلع میں کینسر کے مفت علاج کی سہولت میسر ہوں، فضائی اور آبی آلودگی بھی کینسر کا سبب بن سکتی ہے، عوامی شعور بیدار کرنا ہوگا۔