پاکستان انٹرنیشنل ایئر لائنز (پی آئی اے) نے مسافروں کی سہولت کے لیے ایک اور اہم قدم اٹھایا ہے، جس کے تحت اب پی آئی اے کے مسافر ٹکٹ کی خریداری جاز کیش کے ذریعے بھی باآسانی کر سکیں گے۔
پی آئی اے اور جاز کیش کے درمیان معاہدہ طے پا گیا ہے جس پر دونوں اداروں کے اعلی حکام نے دستخط کر دیے ہیں۔
اس معاہدے کے بعد، مسافر ٹکٹ کے حصول کے لیے کیش اور کریڈٹ کارڈ کے ساتھ ساتھ جاز کیش کے ذریعے بھی ادائیگی کر سکیں گے۔
ترجمان کے مطابق پی آئی اے اپنے کسٹمرز کو یہ خوشخبری بھی دے رہی ہے کہ وہ جاز کیش کے ذریعے قسطوں میں بھی ٹکٹ خرید سکیں گے، جس کے لیے باقاعدہ معاہدہ آنے والے دنوں میں طے کیا جائے گا۔
پی آئی اے کی انتظامیہ کا کہنا ہے کہ مسافروں کو زیادہ سے زیادہ سہولتیں فراہم کرنا ادارے کا نصب العین ہے، اور اس قدم کے ذریعے ایئر لائن اپنے نیٹ ورک میں تیزی سے وسعت لا رہی ہے۔
Advertisement
ترجمان پی آئی اے نے مزید بتایا کہ عنقریب پی آئی اے اپنے داخلی اور بین الاقوامی نیٹ ورک میں یورپ اور برطانیہ کی پروازوں میں اضافہ کرے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
