گورنر ہاؤس میں اتحادِ رمضان کے تحت 27ویں افطار ڈنر کا انعقاد، ہزاروں شہریوں کی شرکت

ویب ڈیسک

28th Mar, 2025. 10:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

گورنر ہاؤس میں اتحادِ رمضان کے تحت 27ویں افطار ڈنر کا انعقاد، ہزاروں شہریوں کی شرکت
پاکستان غزہ جنگ بندی معاہدے پر عمل درآمد کیلئے واضح موقف پیش کرے گا، دفترخارجہ
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع

Now Reading:

گورنر ہاؤس میں اتحادِ رمضان کے تحت 27ویں افطار ڈنر کا انعقاد، ہزاروں شہریوں کی شرکت

گورنر ہاؤس سندھ میں اتحادِ رمضان کے تحت 27ویں افطار ڈنر کا شاندار انعقاد کیا گیا، جس میں ہزاروں شہریوں سمیت مختلف مکاتبِ فکر کے افراد، سفارتکاروں، صحافیوں اور علمائے کرام نے شرکت کی۔

گورنر سندھ کامران ٹیسوری نے اس موقع پر خطاب کرتے ہوئے کہا کہ یومِ القدس مظلوم فلسطینیوں سے یکجہتی اور امتِ مسلمہ کے اتحاد کا دن ہے۔

انہوں نے مزید کہا کہ 27 رمضان المبارک قیامِ پاکستان کے لیے ہمارے بزرگوں کی لازوال قربانیوں کا ثمر ہے، اور ہمیں ان کے نقشِ قدم پر چلتے ہوئے ملک کی ترقی کے لیے متحد رہنا ہوگا۔

افطار ڈنر میں تھائی لینڈ کے قونصل جنرل سوراشیٹ بونٹیننڈ (Surashete Boontinand) اور معروف اسکالر ڈاکٹر جمیل راٹھور نے خصوصی شرکت کی۔

اس کے علاوہ، ایجوکیشن رپورٹرز ایسوسی ایشن پاکستان کے صدر سید محمد عسکری کی قیادت میں 21 رکنی وفد بھی تقریب میں موجود تھا۔

تقریب کے دوران ایرانی قاریانِ قرآن نے روح پرور انداز میں اسماء الحسنیٰ اور نعت پیش کی، جس نے محفل کو مزید روحانی بنا دیا۔

گورنر ہاؤس میں منعقد ہونے والی یہ تقریب اتحاد و یکجہتی کی مثال بنی، جہاں مختلف طبقہ ہائے فکر کے افراد نے مل کر روزہ افطار کیا اور رمضان المبارک کی برکتوں میں شریک ہوئے۔