آج پاکستان خودمختار مملکت اور ایک اہم آزاد قوم ہیں، وزیراعظم

ویب ڈیسک

23rd Mar, 2025. 12:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج پاکستان خودمختار مملکت اور ایک اہم آزاد قوم ہیں، وزیراعظم

وزیراعظم شہبازشریف نے کہا کہ آج پاکستان خودمختار مملکت اور ایک اہم آزاد قوم ہیں۔

وزیراعظم شہبازشریف نے یوم پاکستان پر خصوصی پیغام دیتے ہوئے کہا کہ یوم پاکستان پرہم اپنے اسلاف، مشاہیر کو سلام عقیدت پیش کرتےہیں۔

شہبازشریف نے کہا کہ قراردادپاکستان لازوال عہد کی تابندہ دستاویزہے، سبزہلالی پرچم ہمارے اسلاف کےغیرمتزلزل یقین، عزم وہمت کی بےمثال گواہی ہے۔

وزیراعظم کا یہ بھی کہنا تھا کہ پیشہ ورانہ لیاقت کی حامل ہماری افواج شوق شہادت کےجذبے سے سرشار ہیں، پاکستان کےقابل شہری ہرشعبہ زندگی میں اپنی محنت سے نئےجہان آبادکررہےہیں، پارلیمان،عدلیہ اورانتظامیہ اپنےآئینی امورکی انجام دہی میں مصروف عمل ہیں۔

شہبازشریف نے مزید یہ بھی کہا کہ آپ کی حکومت نےشبانہ روزمحنت سےمعاشی استحکام حاصل کرلیاہے، ادارہ جاتی اصلاحات اورنظام کی درستگی کاعمل جاری ہے، دہشت گردی کےخلاف ہماری مسلح افواج، پولیس، رینجرز، ایف سی بہادری کامظاہرہ کررہی ہیں۔