آبی جارحیت کے اعلان پرپاکستانی عوام مشتعل، بھارتی ہائی کمیشن کاگھیراؤ

آبی جارحیت کے اعلان پر پاکستانی عوام مشتعل، بھارتی ہائی کمیشن کا گھیراؤ

ویب ڈیسک

24th Apr, 2025. 08:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آبی جارحیت کے اعلان پر پاکستانی عوام مشتعل، بھارتی ہائی کمیشن کا گھیراؤ

اسلام آباد: بھارت کی جانب سے پہلگام ڈرامے کی آڑمیں پاکستان کے خلاف آبی جارحیت کے اعلان پرپاکستانی عوام میں شدیداشتعال پھیل گیا۔

بھارتی پروپیگنڈے اوراشتعال انگیزی کے خلاف احتجاج میں صورتحال قابوسے باہرہوتے ہوتے رہ گئی،مشتعل مظاہرین پرقابو پانا مشکل ہوگیا۔

مظاہرین نے سفارتخانے کی جانب بڑھنے کی کوشش کی،قانون نافذ کرنے والے اداروں کواس دوران سخت مشکلات کا سامنا کرنا پڑا۔

مظاہرین رکاوٹیں ہٹاتے ہوئے سفارت خانے کے قریب پہنچے اوراندرداخل ہونے کی کوشش کی، سیکیورٹی فورسزنے بڑی مشکل سے مظاہرین کو پیچھے دھکیلا، سفارتخانے کے باہراحتجاج کے دوران صورتحال انتہائی کشیدہ رہی۔

احتجاج کے دوران مظاہرین نے مودی سرکارکے خلاف شدید نعرے بازی کی،قانون نافذ کرنے والے اداروں نے سفارتخانے کو کوئی نقصان نہ پہنچنے دیا۔

احتجاج کے بعدبھارتی سفارت خانے کی سیکیورٹی میں مزیداضافہ کردیا گیا۔