صدرِ مملکت آصف علی زرداری 10 روزہ علاج کے بعد اسپتال سے ڈسچارج

ویب ڈیسک

11th Apr, 2025. 11:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدرِ مملکت آصف علی زرداری 10 روزہ علاج کے بعد اسپتال سے ڈسچارج

صدر مملکت کی جانب سے نیشنل کمانڈ اتھارٹی کے سائنسدانوں اور انجینئرز کیلئے اعزازات

صدرِ مملکت آصف علی زرداری کو کراچی کے نجی اسپتال سے طبیعت میں بہتری آنے کے بعد ڈسچارج کر دیا گیا ہے۔

ان کے معالج اور سابق وفاقی وزیر ڈاکٹر عاصم حسین نے میڈیا کو بتایا کہ صدر زرداری کا کورونا ٹیسٹ منفی آیا ہے اور ان کی مجموعی صحت اب تسلی بخش ہے۔

صدر مملکت 10 روز سے زائد عرصے تک اسپتال میں زیرِ علاج رہے، جہاں انہیں انفیکشن ڈیزیز کے ماہرین کی نگرانی میں رکھا گیا۔

وہ عید الفطر کی شب نوابشاہ سے کراچی منتقل کیے گئے تھے، جب ان کی طبیعت ناساز ہوئی۔

ڈاکٹر عاصم حسین کے مطابق، صدر زرداری کو اسپتال میں قیام کے دوران فزیوتھراپی بھی فراہم کی گئی، جسے اب گھریلو سطح پر جاری رکھا جائے گا۔ ڈاکٹرز نے انہیں مکمل آرام اور علاج کے تسلسل کی تاکید کی ہے۔

احتیاطی تدابیر کے پیش نظر، ڈاکٹرز نے تاحال صدر مملکت سے ملاقاتوں کی اجازت نہیں دی ہے۔ ایوانِ صدر کی جانب سے جاری بیان میں عوام کا دعاؤں اور نیک تمناؤں پر شکریہ ادا کیا گیا ہے۔