نواز شریف سے لیگی برطانوی وفد کی ملاقات، سیاسی اور پارٹی امور پر گفتگو

ویب ڈیسک

23rd Apr, 2025. 10:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نواز شریف سے لیگی برطانوی وفد کی ملاقات، سیاسی اور پارٹی امور پر گفتگو

لندن: سابق وزیر اعظم نواز شریف سے مسلم لیگ ن برطانیہ کے وفد کی ملاقات ہوئی جس میں ملکی سیاسی صورتحال اور پارٹی امور پر گفتگو کی گئی۔

وفد میں مسلم لیگ (ن) برطانیہ کے صدر احسن ڈار، سید فریاد حسین بخاری، اعجاز گل اور دیگر رہنماؤں نے شرکت کی۔

دوران ملاقات بجلی کی قیمتوں میں نمایاں کمی کرنے پر برطانوی وفد نے میاں نواز شریف کا شکریہ ادا کیا اور کہا کہ مسلم لیگ ن کی حکومت نے ہمیشہ ملک کی ترقی و خوشحالی اور معیشت کو مستحکم کرنے میں اہم کردار ادا کیا۔

اس موقع پر صدر ن لیگ برطانیہ احسن ڈار کا کہنا تھا کہ ن لیگ نے ہمیشہ ملک میں غریبوں کیلئے روزگار کے مواقع فراہم کیے اور ملک کو ترقی کی راہ پر گامزن کیا۔

سید فریاد حسین بخاری نے کہا کہ وزیراعلیٰ پنجاب مریم نواز شریف کی قیادت میں صوبہ ترقی کی راہ پر گامزن ہے، پنجاب میں درجنوں نئے منصوبے شروع ہونے سے لاکھوں لوگوں کو روزگار میسر ہوا۔

ملاقات کے اختتام پر برطانوی وفد نے تعلیم، صحت، انصاف، صاف ستھرا پنجاب اور ہر شعبے میں مثالی کارکردگی فراہم کرنے پر وزیر اعلیٰ پنجاب مریم نواز شریف کو خراج تحسین پیش کیا۔