اطالوی بحری جہاز ’’آئی ٹی ایس انتونیو مارچیلیا‘‘ کا کراچی بندرگاہ پر خیر سگالی دورہ

ویب ڈیسک

17th Jun, 2025. 06:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اطالوی بحری جہاز ’’آئی ٹی ایس انتونیو مارچیلیا‘‘ کا کراچی بندرگاہ پر خیر سگالی دورہ

کراچی: اطالوی بحریہ کا جنگی جہاز ’’آئی ٹی ایس انتونیو مارچیلیا‘‘ تین روزہ خیر سگالی دورے پر کراچی بندرگاہ پہنچ گیا۔

پاک فوج کے شعبہ تعلقات عامہ (آئی ایس پی آر) کے مطابق اطالوی بحری جہاز ’’آئی ٹی ایس انتونیو مارچیلیا‘‘ کی کراچی آمد پر پاک بحریہ کے افسران اور پاکستان میں تعینات اطالوی سفیر نے پرتپاک استقبال کیا۔

آئی ایس پی آر کا کہنا ہے کہ یہ دورہ پاک بحریہ اور اطالوی بحریہ کے مابین دو طرفہ بحری تعاون کو فروغ دینے اور مشترکہ آپریشنز میں ہم آہنگی بڑھانے کے لیے اہم پیش رفت ہے۔

یہ بھی پڑھیں: ترکیہ کا جنگی بحری جہاز ٹی سی جی بیویوک آدا کراچی پہنچ گیا

ترجمان پاک فوج نے کہا کہ دورے کے دوران دونوں ممالک کی بحری افواج کے اہلکاروں کے درمیان پیشہ ورانہ ملاقاتیں، تبادلۂ خیالات اور مختلف سطحوں پر مشترکہ مشقیں منعقد کی جائیں گی۔

آئی ایس پی آر نے بتایا کہ اطالوی بحری جہازوں کی پاکستان آمد نہ صرف دونوں ممالک کے مستحکم دو طرفہ تعلقات کی عکاس ہے بلکہ خاص طور پر بحری تعاون میں بتدریج وسعت کی علامت بھی ہے۔

ترجمان پاک فوج نے مزید کہا کہ پاک بحریہ عالمی سطح پر بحری افواج کے ساتھ مضبوط، دیرپا اور فعال تعاون کے فروغ کے لیے پرعزم ہے۔