وزیراعظم کا عمان کے سلطان سے ٹیلیفونک رابطہ؛ عید الاضحیٰ کی مبارکباد

فہد چوہدری

08th Jun, 2025. 02:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کا عمان کے سلطان سے ٹیلیفونک رابطہ؛ عید الاضحیٰ کی مبارکباد

عید الاضحیٰ کے پرمسرت موقع پر وزیراعظم محمد شہباز شریف نے آج سلطنت عمان کے سلطان عزت مآب ھیثم بن طارق سے ٹیلی فونک رابطہ کیا اور انہوں نے سلطان ھیثم اور عمان کے برادر عوام کو عید کی مبارکباد پیش کی۔

دونوں رہنماؤں نے امت مسلمہ کے درمیان اتحاد اور ہم آہنگی کے لیے دعا کی، انہوں نے غزہ کے عوام کے لیے خصوصی دعا بھی کی۔

وزیراعظم نے پاکستان اور بھارت کے درمیان حالیہ بحران کے دوران عمان کے موقف پر سلطان کا شکریہ ادا کیا اور کشیدگی میں کمی اور مذاکرات کے لیے ان کی حمایت کو سراہا۔

یہ بھی پڑھیں: وزیراعظم کے ملائیشیا اور تاجکستان کے رہنماؤں سے ٹیلیفونک رابطے، عید کی مبارکباد

پاکستان اور عمان کے درمیان قریبی برادرانہ تعلقات کا ذکر کرتے ہوئے وزیراعظم نے سلطنت عمان کے ساتھ تمام شعبوں میں دوطرفہ تعاون کو مزید مضبوط بنانے کی ضرورت پر زور دیا۔

وزیر اعظم نے عمان کے سلطان کو پاکستان کا سرکاری دورہ کرنے کے لیے اپنی دعوت کا اعادہ کیا۔ عزت مآب سلطان ہیثم نے دعوت قبول کرتے ہوئے وزیراعظم کو بھی عمان کا سرکاری دورہ کرنے کی دعوت دی۔

واضح رہے کہ دونوں رہنماؤں کے دورے باہمی طور پر سفارتی ذرائع سے مناسب تاریخوں پر ہوں گے۔