کیڈٹ کالج وانا خودکش حملے کی اندرونی فوٹیج منظرِ عام پر آگئی

ویب ڈیسک

11th Nov, 2025. 04:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیڈٹ کالج وانا خودکش حملے کی اندرونی فوٹیج منظرِ عام پر آگئی

وانا: کیڈٹ کالج وانا کے مرکزی دروازے پر ہونے والے خودکش حملے کی اندرونی سی سی ٹی وی فوٹیج سامنے آگئی جس میں دھماکے کے مناظر واضح طور پر دیکھے جاسکتے ہیں۔

سیکیورٹی ذرائع کے مطابق فوٹیج میں دکھایا گیا ہے کہ کس طرح دہشت گردوں نے کالج کے گیٹ پر بارود سے بھری گاڑی ٹکرا دی، جس کے نتیجے میں ایک خوفناک دھماکہ ہوا۔

سیکیورٹی ذرائع کا کہنا ہے کہ یہ حملہ 10 نومبر کو افغان خوارجیوں کی جانب سے کیا گیا تھا جس میں کالج کا مرکزی دروازہ مکمل طور پر تباہ ہوگیا جب کہ قریبی عمارتوں کو بھی نقصان پہنچا۔

سیکیورٹی فورسز نے واقعے کے فوراً بعد بہادری سے جوابی کارروائی کرتے ہوئے دو خوارجیوں کو موقع پر ہی جہنم واصل کردیا۔

سیکیورٹی ذرائع نے بتایا کہ یہ حملہ ان خوارجی عناصر کی پاکستان دشمن سازشوں کا تسلسل ہے جو قبائلی علاقوں میں امن کو سبوتاژ کرنا چاہتے ہیں۔

انہوں نے مزید کہا کہ معصوم قبائلی بچوں پر حملہ کرنے والے دہشتگرد نہ اسلام سے تعلق رکھتے ہیں، نہ قبائل سے اور نہ ہی پاکستان کی خوشحالی سے۔

سیکیورٹی ذرائع نے کہا کہ دہشتگردوں کے مکمل خاتمے تک آپریشن جاری رہے گا تاکہ خطے میں دیرپا امن قائم کیا جاسکے۔