غیرقانونی افغان شہریوں کی وطن واپسی کیلئے طورخم سرحد کھول دی گئی، تجارت تاحال بند

ویب ڈیسک

01st Nov, 2025. 11:17 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

غیرقانونی افغان شہریوں کی وطن واپسی کیلئے طورخم سرحد کھول دی گئی، تجارت تاحال بند
شہریوں کے تحفظ کیلئے سرحد پار دہشتگردوں کیخلاف اقدمات کرتے رہیں گے ، خواجہ آصف
بابر کی فارم میں شاندار واپسی ، مداحوں نے خوب لطف اٹھایا، آؤٹ ہوتے ہی اسٹیڈیم خالی ہو گیا
3 سالہ میکرو اکنامک اور فسکل فریم ورک جاری،معاشی شرح نمو بڑھ کر 5.7 فیصدتک جانے کی توقع

Now Reading:

غیرقانونی افغان شہریوں کی وطن واپسی کیلئے طورخم سرحد کھول دی گئی، تجارت تاحال بند

حکومتِ پاکستان نے غیر قانونی طور پر مقیم افغان شہریوں کی وطن واپسی کے عمل کا باضابطہ آغاز کر دیا ہے۔

طورخم سرحدی گزرگاہ کو افغان پناہ گزینوں کی واپسی کے لیے کھول دیا گیا ہے، جہاں سینکڑوں افغان شہری امیگریشن پوائنٹ پر پہنچ چکے ہیں۔

ضلعی انتظامیہ کے مطابق امیگریشن عملہ ضروری کارروائی کے بعد افغان شہریوں کو افغانستان واپس جانے کی اجازت دے رہا ہے۔

ڈپٹی کمشنر خیبر بلال شاہد نے بتایا کہ طورخم سرحد کو صرف غیر قانونی افغان باشندوں کی بے دخلی کے لیے کھولا گیا ہے جبکہ تجارت اور پیدل آمدورفت کے لیے سرحد بدستور بند رہے گی۔

مزید پڑھیں: افغان شہریوں کی واپسی، وزارت داخلہ کا پی او آر کارڈ ہولڈرز سے متعلق بڑا فیصلہ

انہوں نے کہا کہ پاک افغان کشیدگی کے باعث 11 اکتوبر کو طورخم گزرگاہ ہر قسم کی آمدورفت کے لیے بند کر دی گئی تھی، تاہم اب صرف ملک میں غیر قانونی طور پر مقیم افغان شہریوں کی واپسی کے لیے اسے جزوی طور پر کھولا گیا ہے۔

اقوامِ متحدہ کے ادارہ برائے مہاجرین (یو این ایچ سی آر) کے ترجمان قیصر خان آفریدی کے مطابق 8 اکتوبر تک 6 لاکھ 15 ہزار سے زائد غیر قانونی افغان شہریوں کو طورخم کے راستے وطن واپس بھیجا جا چکا ہے۔