وفاقی دارالحکومت کے ضلع کچہری میں گزشتہ روز ہونے والے خودکش دھماکے کے بعد عالمی برادری کی جانب سے شدید مذمتی بیانات کا سلسلہ جاری ہے، مختلف ممالک  نے اس واقعے میں جاں بحق اور زخمی ہونے والے افراد کے لیے گہرے دکھ اور افسوس کا اظہار کیا ہے۔

چین

چینی سفارتخانے نے اسلام آباد میں خودکش دھماکےکی شدید مذمت کرتے ہوئے جاں بحق افراد کےلیےگہرےدکھ اورافسوس کااظہار کیا ہے۔

ترجمان چینی سفارتخانے نے متاثرہ خاندانوں اورزخمیوں سےدلی ہمدردی اور زخمیوں کی جلدصحت یابی کےلیےنیک خواہشات کااظہار بھی کیا۔

ترجمان نے کہا کہ دھماکا قابل مذمت اور انسانیت دشمن عمل ہے۔

امریکہ

امریکی سفیر نیٹلی بیکر نے اسلام آبادکچہری میں خودکش حملےکی مذمت کی ہے۔

امریکی سفیر نے کہا کہ امریکہ دہشت گردی کے خلاف  جدوجہدمیں پاکستان کےساتھ ہے، اور حملے میں جان کی بازی ہارنےوالوں کےخاندانوں سےدلی ہمدردی کااظہارکرتےہیں۔

نیٹلی بیکر نے کہا کہ ہم زخمیوں کی جلدصحت یابی کےلیےدعاگوہیں، ہم اس حملےاوردہشت گردی کی ہرشکل کی سخت مذمت کرتےہیں۔

امریکی سفیر نے مزید کہا کہ پاکستانی حکومت کی امن اوراستحکام کےلیےکوششوں کی حمایت کےلیےپرعزم ہیں۔

یہ بھی پڑھیں: اسلام آباد کچہری دھماکے کے بعد ریڈ زون میں سیکیورٹی سخت، جوڈیشل کمپلیکس بند

برطانیہ اوریورپی یونین

برطانوی ہائی کمشنر جین میریٹ نے اسلام آباد دھماکے کی مذمت کرتے ہوئے متاثرہ خاندانوں سےہمدردی کااظہارکیا۔

 برطانوی ہائی کمشنر نے کہا کہ اسلام آباد دھماکے میں متعدد افراد کے جاں بحق ہونےکامعلوم ہوا، واقعےکوقریب سےمانیٹرکیاجارہاہے، جبکہ برطانوی شہری سفرسےمتعلق ایڈوائزری پرنظررکھیں۔

یورپی یونین

یورپی یونین کی جانب سے بھی اسلام آباددہشت گردحملےکی مذمت کی گئی ہے۔

یورپی یونین کے مطابق اسلام آباد دہشت گرد حملےمیں جانی نقصان پرگہرادکھ ہواہے، جاں بحق افرادکےاہلخانہ کےدکھ  میں برابرکےشریک ہیں۔

   قطر

قطر نے بھی اسلام آباد اور وانا میں دہشت گردحملوں کی شدیدمذمت کی ہے، قطری وزارت خارجہ نے پاکستان میں ہونے والے حملوں پر گہرےدکھ اور افسوس کااظہار کرتے ہوئے کہا کہ حملوں میں قیمتی جانوں کےضیاع پرقطرکی حکومت اورعوام افسردہ ہے۔

ترجمان نے شہدا کے اہلخانہ سے دلی تعزیت، اور پاکستان کےعوام اور حکومت کےساتھ مکمل یکجہتی کا اظہار  کرتے ہوئے کہا کہ دہشت گردی کسی بھی جواز کے تحت ناقابلِ قبول ہے۔

اسٹریلیا

آسٹریلوی ہائی کمیشن نے اسلام آباد کے جی-11 علاقے میں حملے کے بعد پاکستان کے عوام کے ساتھ اظہارِ یکجہتی کیا،آسٹریلوی ہائی کمیشن نے جاں بحق افراد کے اہلِ خانہ سے تعزیت اور زخمیوں کے لیے نیک خواہشات کا اظہار کیا،بیان میں عوام کے تحفظ کے لیے سرگرم اداروں اور اہلکاروں کو خراجِ تحسین بھی پیش کیا گیا۔