اسلام آباد : پاکستانی چینلز پر بھارتی مواد نشر کرنے سے متعلق کیس کی سماعت وفاقی آئینی عدالت میں ہوئی۔
وفاقی آئینی عدالت نے فریقین کو نوٹس جاری کرتے ہوئے سماعت غیر معینہ مدت تک ملتوی کر دی۔
چیف جسٹس وفاقی آئینی عدالت جسٹس امین الدین خان کی سربراہی میں تین رکنی بینچ نے کیس کی سماعت کی۔
کیس کا تعلق پیمرا کے 2016 کے فیصلے سے ہے جس میں طے کیا گیا تھا کہ پاکستانی چینلز پر بھارتی مواد نشر نہیں کیا جائے گا، حالانکہ لائسنس جاری کرتے وقت 10 فیصد بھارتی مواد نشر کرنے کی اجازت دی گئی تھی۔
یاد رہے کہ جسٹس منصور علی شاہ نے 2017 میں بطور چیف جسٹس لاہور ہائی کورٹ پیمرا کا یہ نوٹیفکیشن معطل قرار دے دیا تھا، جس کے بعد معاملہ اعلیٰ عدلیہ میں زیرِ سماعت چلا آرہا ہے۔
