پشاور میں ایف سی اہلکاروں پر ہونے والے دھماکے کے بعد شہر بھر میں سیکیورٹی مزید سخت کر دی گئی ہے۔
پولیس حکام کے مطابق اہم مقامات کی سیکیورٹی ازسرِنو تشکیل دینے کا فیصلہ کیا گیا ہے۔
ریڈ زون سمیت حساس علاقوں اور اہم انٹری پوائنٹس پر ناکہ بندیوں کا دورانیہ بڑھا دیا گیا ہے جبکہ سنیپ چیکنگ کا عمل بھی مزید مؤثر بنایا جارہا ہے۔
پولیس نے متعلقہ ایس پیز کو ناکہ بندیوں کے لیے فوری طور پر مناسب مقامات کے انتخاب کی ہدایات جاری کر دی ہیں۔
مزید پڑھیں؛ پشاور دھماکے کی تحقیقات کا معاملہ، حکام کو اہم معلومات مل گئیں
پولیس لائنز میں نئی سیکیورٹی ایس او پیز نافذ کر دی گئی ہیں۔ مین گیٹ کے ساتھ اے پی سی گاڑی تعینات کر دی گئی ہے جبکہ پولیس لائنز کے داخلی راستوں پر اسپیشلسٹ اسنائپرز کی تعیناتی کا بھی فیصلہ کیا گیا ہے۔
شہر کے مختلف حساس مقامات پر اضافی نفری تعینات کردی گئی ہے تاکہ امن و امان کی صورتحال کو یقینی بنایا جاسکے۔
