پاک فوج کی جانب سے اسپیشل عراقی فورسز کی ٹریننگ مکمل ہوگئی۔ عراقی اسپیشل فورسز کی ٹریننگ 24 ستمبر سے 29 نومبر تک نیشنل کاؤنٹر ٹیررزم سینٹر میں ہوئی۔
آئی ایس پی آر کے مطابق پاکستان میں ٹریننگ مکمل کرنے والے عراقی فورسز کی گریجوایشن تقریب پاکستان اور عراق کے سینیئر فوجی عہدے داروں نے شرکت کی۔
ٹریننگ مکمل کرنے والے تیسرے بیچ میں 446 ٹرینیزشامل تھے۔ پاکستانی اور عراقی دستوں نے بہترین پیشہ ورانہ مہارت، اپریشنل صلاحیتوں اور لگن کا مظاہرہ کی۔
آئی ایس پی آر کے مطابق دوران تربیت انسداد دہشت گردی کی صلاحیتوں، ٹیکٹیکل ڈرلز اور انٹیگریٹڈ مشن پلاننگ پر توجہ مرکوز کی گئی۔
ٹریننگ کے تمام اہداف کامیابی سے حاصل کیے گئے۔ ٹریننگ سے پاکستان اور عراق کے درمیان فوجی تعاون مزید مضبوط ہوا۔
پی این ایس سیف سری لنکا میں ڈزاسٹر ریلیف اپریشنز میں پیش پیش
علاوہ ازیں آئی ایس پی آر کے بیان کے مطابق پی این ایس سیف کی سمندری طوفان سے متاثر ہونے والے سری لنکن شہریوں کو امداد کی فراہمی کےلئے پی این ایس سیف انٹرنیشنل فلیٹ ریویو 25 میں شرکت کے لیے کولمبو میں موجود ہے۔
سری لنکا میں سمندری سائیکلون سے بڑے پیمانے پر تباہی ہوئی ہے۔ بیان کے مطابق پاکستان نیوی کی جانب سے سری لنکن حکام کو انسانی ہمدردی کی امداد فراہم کی۔
امدادی پیکج میں خوراک، خشک راشن، فرسٹ ایڈ کٹس اور ادویہ شامل ہے۔ پی این ایس سیف نے ہنگامی آلات اور ضروری ساز و سامان بھی فراہم کیا۔
امدادی سامان سری لنکا میں قومی سطح پر جاری ریسکیو و ریلیف کوششوں کو تقویت دے گا۔ پاک بحریہ کے مطابق امداد کا سلسلہ ضرورت کے مطابق جاری رہے گا۔