گلاب، ایک بہت بااثر اور اہمیت کا حامل پھول تصور کیا جاتا ہے جس کو پھولوں کا بادشاہ بھی کہا جاتا ہے۔
گلاب اس دنیا میں جہاں محبت کا اظہار کرنے کے لئے استعمال کیا جاتا ہے وہاں دوسری طرف اس کے بے شمار طبی فوائد کے لئے بھی گلاب کی اپنی ہی اہمیت ہے۔
دنیا بھر میں گلاب کو الگ الگ طرح سے استعمال کیا جاتا ہے جس میں خوبصورتی کا راز سرفہرست جانا جاتا ہے۔
گلاب کے طبی فوائد:
عام طور پر منہ میں چھالے پڑجاتے ہیں جن میں بےحد تکلیف ہوتی ہے اور کچھ کھایا پیا بھی نہیں جاتا اگر عرقِ گلاب میں گلاب کا سفوف مِکس کر کے چھالوں پر لگالیا جائے، تو فوری آرام ملتا ہے۔
منہ سے بدبو آنے اور مسوڑھوں سے خون رسنے کی صورت میں گلاب کے جو شاندے سے غرارے فائدہ مند ثابت ہوتے ہیں۔
پسینے کی بدبو کے لیے ایک شیشی میں گلاب کا سفوف اورعرق مِکس کرکے فریج میں رکھ لیں اور روزانہ پسینے والی جگہوں پر اس مکسچر کا معمولی سا لیپ کرنے سے پسینے کی بُو نہیں آتی۔
دل کی کمزوری میں مبتلا مریض ایک کپ عرق گلاب میں آدھا چائے کا چمچ گلاب کا سفوف مِکس کر کے دِن میں دو بار استعمال کریں تو مفید ثابت ہوتا ہے۔
آنتوں کی خراش، کمزوری یا خونی و صفراوی رطوبت کے باعث اسہال کی کیفیت مین بھی گلاب بطور سفوف یا عرق استعمال کیا جائے۔
قبض کی تکلیف سے نجات کے لیے گلاب سے تیار ہونے والا گل قند شافی علاج ہے۔
خوبصورت چہرے کے لئے گلاب کا استعمال:
آنکھوں کی سُرخی دُور کرنے میں تو عرقِ گلاب کا کوئی ثانی نہیں ہے۔
چہرے کی خوبصورتی و دِلکشی کے لیے عرق گلاب 10 گرام، ویزلین 50 گرام، لیموں کا رس اور کافور 5 ،5 گرام مِکس کر لیں۔ پھر آنکھوں کا حصّہ چھوڑ کر چہرے پر کاٹن پیڈ کی مدد سے لیپ کرکے 30 منٹ بعد دھولیں۔ چہرہ یک دم کِھل اُٹھے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News